Wana ni Zla d’a Djivi d’a Luc mi b’irita 7:22 - Bible azumeina

²² Jesus mi hulong dazi ala: Agi i dagi mi Jean vama agi wagizina ki vama agi humugizina mi. Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma houd’a mi.

Wana ni Zla d’a Djivi d’a Luc mi b’irita 7:22 Referans Kwoze

Wana ni Zla d’a Djivi d’a Luc mi b’irita 4:18

Muzu’â hi Salad’ina mi nga kanu, kayam mi von mbulâ kan mi tinin iran van ná tchi wal Zla d’a Djivid’a mi suma houd’a. Mi sunun á tchi wala mi suma a yozi magombina á tchuguzi akulo, á mal ir suma duka woyo, á tchuk suma a nga lazi ndakina akulo,

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Matiye 21:14

Suma duka ki suma dileîd’a a mba gevem kur gong nga kud’ora hAlonid’a, mi sud’uzi mi.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Wana ni Zla d’a Djivi d’a Luc mi b’irita 7:21

Ata yi máma, Jesus mi sut suma tugud’eid’a ablaud’a ki suma homozed’a ki suma a nga ki muzuk ma tchona kuruzina, mi mal ir suma duka woi ablaud’a mi.

Sofoni 3:12

An mba ni ngom suma lulumana ki suma hou suma kuruk suma a nga hal yima ngeid’a atana.

Jeremi 31:8

Gola! An nga ni hulongî ki sed’ezi abo ma norâ, an mba ni togozi avun dabid’a handagad’id’a. Suma duka ki suma dileîd’a, arop suma wirâ ki suma huruzi nga tazi á vutina, ki zla tazi pet a mba tok tok ka ngola ka hî.

Isai 43:8

Ar a buzugï ki suma a nga ki ira, wani a nga we d’uo na, ki suma a nga ki humba, wani a nga hum va d’uo na.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Sawal la giled’a 146:8

nga mi mal ir suma duka woyo, nga mi d’op suma gun kä na woyo, nga mi le yam suma d’ingêrâ mi.

Wana ni mbaktumba hi Job-pa 29:15

An mbut ni d’igi ira hi ma dukid’a na, an mbut ni d’igi asema hi ma dileîd’ina na mi.

Sunda hi suma a sunuzinid’a 8:7

Kayam muzuk ma tcho ma nga kur sumina, mi buzuk kei kur suma ablaud’a ki tchina. Suma gugutud’a ablaud’a ki suma dileîd’a a tchol akulo.

Jean 1:46

Natanayel mi dum ala: Na ni vama djivi mi ndak á ndeï woi kur Nazarat tchu? Filip mi hulong dum ala: Ang mbeï gola.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Wana ni Zla d’a Djivi d’a Luc mi b’irita 7:23

Sama le nga hur ma mbàmbàna kan nduo na mi le furîd’a.