Wana ni Zla d’a Djivi d’a Luc mi b’irita 6:19 - Bible azumeina

¹⁹ Ablau suma pet a nga hal á domu, kayam ad’enga nga d’i buzuk kei atam á sud’uzi pet.

Wana ni Zla d’a Djivi d’a Luc mi b’irita 6:19 Referans Kwoze

Matiye 14:36

A tchenem ala mi arazi a domî vun baru mamba go. Suma pet suma a dotna a tchol akulo woi kur tugud’ei mazid’a.

Marik 3:10

Mi sut wa ablau suma. Kayam ndata, suma tugud’eid’a pet a nga mol kam kä á domu.

Marik 6:56

Ata yima lara pet ma nga mi kal kuana, kur azì ma nglona, azì ma gureina kazì ma kelâ pet, suma a nga tchuk suma tugud’eid’a ad’u su’â kä, a nga tchenem ala mi arazi a domî vun baru mamba go. Suma pet suma a dotna a tchol akulo woi kur tugud’ei mazid’a.

Marik 5:30

Ata yi máma na wat, Jesus mi we atam tcha ala ad’enga tu nde woi atamu. Mi mbut iram aduk ablau suma, mi dala: Sama don baru mana ni nge ge?

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Marik 8:22

Jesus azi ki mam suma hata a mba kur Betsaida. A mba ki sama duka mi Jesus, a tchenem ala mi domu.

Sunda hi suma a sunuzinid’a 19:12

A nga yo baru mam mba set zumala ki baru d’a atamba, a nga tchuguzi yam suma tugud’eid’a. Tugud’eid’a teteng ti araziya, muzuk ma teteng ma tchona mi nde woi kuruzi mi.

Wana ni Zla d’a Djivi d’a Luc mi b’irita 5:17

Bur ma dingâ Jesus nga mi hat suma. Fariziyêna azi ki suma hat gata a nga kaka kä gevemu. Ni suma a tcholï kur azì ma nglo ma Galile-na ki ma nglo ma Jude-na ki suma Jerusalem-ma pet mi. Ad’enga hi Salad’id’a nga ki Jesus á sut suma tugud’eid’a mi.

2 Amuleina 13:21

Wani bur tu suma a i á tos matna, a we azigar ndazina. Atogo hina zak a ge sama mat máma kä kur zula hi Elise-d’a, a ringâ. Sama mat máma mi do aso’â hi Elise-na, mi zlid’a, mi tchol akulo kasemu!

Wana ni Zla d’a Djivi d’a Luc mi b’irita 6:18

Azi mba á humumu, kayam mi sud’uzi kur tugud’ei mazid’a mi. Suma a nga fe ndaka abo muzuk ma tchonina, mi digim mbei kuruzi mi.