Wana ni Zla d’a Djivi d’a Luc mi b’irita 5:21 - Bible azumeina

²¹ Suma hat gata azi ki Fariziyêna a nde djib’er kuruzi ala: Ni nge ba, mi las Alona na ge? Sama ndak á vat hurum mbei yam tchod’a ni nge? NAlona tu d’uo zu?

Wana ni Zla d’a Djivi d’a Luc mi b’irita 5:21 Referans Kwoze

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Jean 10:33

Juif-fâ a hulong dum ala: Ni yam sun nda djivid’a ba, ami min durung kahinad’a d’i, wani kayamba ang nga las Alonid’a. Ang tang ma ala ni sana na, ang mbut tang ala angî Alona.

Wana ni Zla d’a Djivi d’a Luc mi b’irita 7:49

Suma a nga kaka kä ki sed’em avun tenina, a nde de kuruzi ala: Sa máma ni nge ba, mi vat hurum mbei yam tchod’a ge?

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.

Sawal la giled’a 32:5

An dang wa tcho manda woyo, an ngei nga tcho manda kä d’uo mi, an dala: An mba ni de woi yam tchila manda avor Ma didina; kayam ndata, ang hlan wa aneka hi tcho mandid’a woi kanu. Tchol ndjö

Sunda hi suma hi Levi-nid’a 24:16

Sama mi lazan simiyêna, ablau suma a durum kahinad’a, a tchum mbeyo. Le nangeina d’oze gor vuta pî, a tchum mbeyo, kayamba mi lazan an Alona simiyênda.

Romê-na 8:33

Sama mba mi kal yam suma Alona mi manazina ni nge ge? Sa nga d’i, kayam Alona mi mbud’uzi suma d’ingêrâ avoromu.

Daniel 9:19

Salad’a, ang humumiya; Salad’a, ang vat hurung ngei kamiya; Salad’a, ang tin humangû; Alo mana, yam o manga, ang le lilinga d’i, ang we hohowa azì ma ngol ma wana ki mang suma ang tinizi irazi vazina.

Daniel 9:9

Ang Salad’a Alo mamina, we hohoud’a ki hur ma vata a tcholï natangû, kayam ami song vunangû.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Sawal la giled’a 130:4

Wani angî ma vat hurung ngei yam sumina. Ni kayam ndata ba, ami nga hungû.

Sawal la giled’a 103:3

Mam mi ma vat hurum mbei yam tcho mandina; mam mi ma sud’un ndei kur tugud’ei mandina.

Wana ni Zla d’a Djivi d’a Luc mi b’irita 5:17

Bur ma dingâ Jesus nga mi hat suma. Fariziyêna azi ki suma hat gata a nga kaka kä gevemu. Ni suma a tcholï kur azì ma nglo ma Galile-na ki ma nglo ma Jude-na ki suma Jerusalem-ma pet mi. Ad’enga hi Salad’id’a nga ki Jesus á sut suma tugud’eid’a mi.

Matiye 9:3

Wani suma hat gat suma hiuna a de kuruzi ala: Sa máma nga mi las Alona gi?

Mise 7:19

Ang mba wami hohowomi kua, ang mba miret tchila mamid’a kä kasengû, ang mba komi tcho mamid’a sä woi kä ad’u alum ma ngolâ.

Sawal la giled’a 35:5

Ar azi mbut ni d’igi bra d’a simetna mi felet teina na, ar malaika mangâ mi digizi woi mi.

Wana ni Zla d’a Djivi d’a Luc mi b’irita 3:8

Agi lagi sun nda memeta á tak kei ala agi mbud’ugi wa hurugiya d’a. Ar agi dagi kurugi ala: Abraham nabumi ngolo na d’i, kayam an nga ni dagi woi mbak ala Alona mi ndak á mbut ahuniyô suma wana grona mi Abraham.

Wana ni Zla d’a Djivi d’a Luc mi b’irita 5:22

Wani Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi kurugi krovo hina ge?