Wana ni Zla d’a Djivi d’a Luc mi b’irita 4:41 - Bible azumeina

⁴¹ Muzuk ma tchona ablaud’a a buzuk kei kur suma, a er ad’uzi akulo ala: Angî Alona Goroma! Wani Jesus ngoboziya, mi arazi nga lovota á de zlad’a d’i, kayam azi wum ala mam mi Mesi.

Wana ni Zla d’a Djivi d’a Luc mi b’irita 4:41 Referans Kwoze

Marik 1:34

Mi sut ablau suma kur andjaf tugud’ei mazi d’a teteng nga nga d’i lazi ndakid’a, mi dik muzuk ma tchona woi ablaud’a kur suma mi. Mi ar nga muzuk ma teteng ma tchona a de zlad’a d’i, kayam me mi wum tetet.

Jacques 2:19

Ang he gagazid’a ala Alona ni tu nata yad’u. Muzuk ma tchona pî mi he gagazid’a hina mi, nga mi zlak ki mandarâ mi.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Marik 3:11

Ata yima muzuk ma teteng ma tchona mi wuma, mi ge tam kä avoromu, mi er ad’um akulo ala: Angî Alona Goroma.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Matiye 26:63

Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

Marik 1:25

Jesus mi ngobom ala: Ang ba! Ang nde woi kurumu.

Matiye 8:4

Jesus mi hulong dum ala: Ang gol tang djiviya. Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzuna ma Moise mi he vuna kama he d’a hawad’a yam yak manga á tagazi woi ala ang yak wa woi da d’a.

Matiye 8:16

Kid’a afata mbut fladeged’a, a mbam suma ki muzuk ma tchona kuruzina ablaud’a. Mi dik muzuk ma teteng ma tchona woi ki zla mam mba ded’a, mi sut suma tugud’eid’a pet mi.

Marik 1:32

Fladege d’a afata nik dad’a, suma a mba ki suma tugud’eid’a pet zlapa ki suma a nga ki muzuk ma tchona teteng kuruzina mi Jesus.

Wana ni Zla d’a Djivi d’a Luc mi b’irita 4:39

Mi hud’o kä kad’u, mi dat ala: Ta d’a kumura, ndak aragu! Tat ta kumura ti arat mi. Ti tchol atogo zak, nga d’i lazi sunda.