Wana ni Zla d’a Djivi d’a Luc mi b’irita 3:16 - Bible azumeina

¹⁶ Jean mi hulong dazi pet ala: Anu, an nga ni lagi batemba ni ki mbina. Wani ma nga mbana, ad’engêm kalanu. An ndak nga ki mam mbi. Ziyo atuguru mama pî, an ndak á bud’um mbi. Ni ma mba lagi batemba ni ki Muzuk ma bei tchod’a ba na kakud’ina.

Wana ni Zla d’a Djivi d’a Luc mi b’irita 3:16 Referans Kwoze

Sunda hi suma a sunuzinid’a 1:5

Kayam Jean mi le suma batemba ni ki mbina, wani ar nga burâ ngol li an mba ni lagi batemba ki Muzuk ma bei tchod’a ba na.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Jean 1:33

Avok an wum nga d’i, wani Alo ma mi sununï á le suma batemba ki mbinina, mi dan ala: Mam ma ang we Muzu’â mi surobï akulo, mi kak kama, ni mam ma mba mi le suma batemba ni ki Muzuk ma bei tchod’a ba nina.

Jean 1:26

Jean mi hulong dazi ala: An le suma batemba ni ki mbina. Sama agi wum nga d’uo na, mi nga tchola adigagiya,

1 Korente-na 12:13

Kayam Muzuk ma tu máma ba, mi lei batemba á mbud’i hliu ma tuna, le ni Juif-fâ d’oze andjaf suma dingâ, d’oze magumeina d’oze gro vuta, ei pet tchei ni kur Muzuk ma tu máma mi.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 4:4

Ma didina mba mi mbus ndjendjed’a harop suma Jerusalem-ma woyo, mba mi mbus buzu ma djang ngei kur Siyon-na woi ki simet ma mbud’uzi d’ingêr ma mbud’uzi yed’et mi na.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Jean 7:38

Sama he gagazid’a kana, mbiyo ma arina halumina mba mi lau kurum d’igi mbaktumba hAlonid’a ti de na.

Sunda hi suma a sunuzinid’a 10:44

Kid’a Pierre nga mi de zla ndata tua d’a, Muzuk ma bei tchod’a ba na mi tchuk kä yam suma a hum zla mambina pet.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Jean 1:27

ni ma nga mi djï blogona. An ndak á but ziyo atuguru mama d’i.