Wana ni Zla d’a Djivi d’a Luc mi b’irita 23:2 - Bible azumeina

² Azi nde tchugum zlad’a kam ala: Ami fami sama wana nga mi zut sum meina á tchol huneîd’a, nga mi d’el suma ala a he tara mi Sesar ri, nga mi dala mam tamba ni Christ, amulâ.

Wana ni Zla d’a Djivi d’a Luc mi b’irita 23:2 Referans Kwoze

Jean 19:12

Kayam ndata, Pilat mi min gum akulo, wani Juif-fâ a de ki delezi akulo ala: Ang le ge sa máma akulo ni, angî Sesar banama d’i. Sama lara pî ma mbut tam amulîna, mi ka’î djangûna ki Sesar.

Wana ni Zla d’a Djivi d’a Luc mi b’irita 23:14

mi dazi ala: Agi mban sama wana d’igi sama b’lak suma na. Agi gologiya, an djobom avorogiya, an fe nga zla yam sa máma kur ahle suma agi tchugumzi kama d’i.

Sunda hi suma a sunuzinid’a 24:5

Ami fami sa máma ni sama hal zlad’a, ni mam ba, mi tchol ki huneîd’a aduk Juif-fâ yam andagad’a pet. Mam mi ma ngol ma avok adesâ hi Ma Nazarat-nina.

Jean 18:30

Azi hulong dum ala: Sa máma le ni sama tchona d’uo ni, ami nga mbangzi d’i.

Marik 12:17

Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi. A le atchap kam heî.

Matiye 22:21

A hulong dum ala: Ni hi Sesar-ra. Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi.

Zakari 11:8

An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Jeremi 38:4

Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Sawal la giled’a 62:4

Agi suma, ni gak mindja ba, agi mba togogi tagi yam sana á zud’um kä d’igi gulumun ma nga mi leng kä na, d’oze d’igi gulumun ma nga mi i weta kä woina na ge?

Sunda hi suma a sunuzinid’a 24:13

Azi ndak á fe vama tak abu ala zla d’a azi nga tchugut kanda ni zla d’a gagazid’a na d’i.

Wana ni Zla d’a Djivi d’a Luc mi b’irita 23:5

Wani a de ki delezi akulo ala: Nga mi hle djib’era hi sumid’a akulo, nga mi hat kur ambas sa Jude-d’a pet, tin ad’ud’a yam andaga d’a Galile-d’a dei gak mba ka hî.

Matiye 17:27

Wani ar ei hazi djib’era d’i. Ang i kur apod’a, ang ge tunglîd’a kä aduk mbina. Kuluf ma vavo’â, ang tanam akulo, ang ngom vunam mbeyo, ang mba fe gurzud’a kua. Ang yod’u, ang wurak kanu, ang wurak kang mi.

Amos 7:10

Amasiya ma ngat buzu ma Betel-lâ, mi ge sunda mi de mi Jerobowam amul ma Israel-lâ ala: Amos mi ndjak vuna kang aduk Israel-lâ. Suma kur ambasa a ndak á ve tazi yam zla mam ndata pet ti.

Sawal la giled’a 35:11

Suma glangâs suma ka zlad’a a tchol akulo, a nga djobon yam vama an wum nga d’uo na.

1 Amuleina 18:17

Ata yima mi wuma, mi dum ala: Ni ang ma mba ndaka yam Israel-lîna d’ä?

Matiye 27:11

Jesus mi nga tchola avok ma te yamba. Ma te yamba mi djobom ala: Angî amulâ hi Juif-fîna zu? Jesus mi hulong dum ala: Ang de wa da’.

Marik 15:2

Pilat mi djobom ala: Angî amulâ hi Juif-fîna zu? Jesus mi hulong dum ala: Ang de wa da’.

Jean 18:29

Kayam ndata, Pilat mi nde woyo, mi i geveziya, mi djobozi ala: Agi kalagi yam sa máma ni yam me ge?

Romê-na 13:7

Ar agi hagi mi nge nge pî va mama. Agi hagi tara mi sama tara, agi hagi dalalana mi sama tar dalalana, agi gagi yagi kä avok sama ndak agi gagi yagi kä avoroma, agi hugi sama ndak á hud’ina mi.