Wana ni Zla d’a Djivi d’a Luc mi b’irita 22:61 - Bible azumeina

⁶¹ Salad’a mi pret tam mi gol Pierre. Pierre mi djib’er yam zla d’a Salad’a mi dumzi ala: Avok ahle’â bei hel ini tua d’a, ang mba tin vunang kan yang hindi ala ang wan nga d’uo d’a.

Wana ni Zla d’a Djivi d’a Luc mi b’irita 22:61 Referans Kwoze

Wana ni Zla d’a Djivi d’a Luc mi b’irita 22:34

Jesus mi dum ala: Pierre, an nga ni dangû, ahle’â mba mi hel ini d’uo tua d’a, ang mba tin vunang kan yang hindi ala ang wan nga d’i.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Wana ni mbaktumba hi Job-pa 33:27

Nga mi hle sawala avok suma, nga mi dala: An le tchod’a, an tchila yam lovot ta d’ingêra, wani mi ngobon nga d’igi ndak kan á ngopa hina d’i.

Vama ndum mbeina 2:5

An nga ni dangû, ar ang djib’er yam yima ang puk kuana, ang mbut hurung yam tcho manga, ang le sunda d’igi ang lat avok na. Le ang mbut nga hurung yam tcho manga d’uo ni, an nga ni mba ni hle agu ma tin lalam manga woi ata yamu.

Efes-sâ 2:11

Kid’a adjeu agi nandjaf suma dingâ tua d’a, Juif-fâ a nga yagi ala agi ni suma bei ngat bayâd’a. Ni bayâ d’a suma a nga ngad’ata. Kayam ndata, ar agi djib’eregi yam kak magi d’a adjeud’a.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Jean 13:38

Jesus mi hulong dum ala: Ang min he tang ngei kan ndju? Gagazi, an nga ni dangû, avok ahle’â bei hela, ang mba tin vunang kan yang hindi ala ang wan nga d’i.

Wana ni Zla d’a Djivi d’a Luc mi b’irita 10:41

Wani Salad’a mi hulong dat ala: Marta, Marta, ndak nga kur djib’era, huruk nga hat yam ahlena ngola heî.

Wana ni Zla d’a Djivi d’a Luc mi b’irita 7:13

Ata yima Salad’a mi watna, mi wat hohowod’u, mi dat ala: Ndak tchi d’i.

Marik 5:30

Ata yi máma na wat, Jesus mi we atam tcha ala ad’enga tu nde woi atamu. Mi mbut iram aduk ablau suma, mi dala: Sama don baru mana ni nge ge?

Matiye 26:75

Pierre mi djib’er yam zla d’a Jesus dumzi ala: Avok bei ahle’â mi hela, ang mba tin vunang kan yang hindi ala ang wan nga d’uo d’a. Mi ndabua, mi tchi ngola.

Matiye 26:34

Jesus mi hulong dum ala: Gagazi, an nga ni dangû, kur andjege d’a inid’a bei ahle’â mi hela, ang mba tin vunang kan tata yang hindi ala ang wan nga d’i.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Wana ni Zla d’a Djivi d’a Luc mi b’irita 7:19

Jean mi yi mam suma hata mbà, mi sunuzi gen Salad’a á djobom ala: Angî ma nga mbana, d’oze ami djubumi ni sama ding zu?

Wana ni Zla d’a Djivi d’a Luc mi b’irita 22:60

Wani Pierre mi dum ala: An we nga vama ang nga duma d’i. Kid’a mam nga mi de zla ndata tua d’a, ata yi máma na wat, ahle’â mi hela.

Wana ni Zla d’a Djivi d’a Luc mi b’irita 22:62

Mi ndabua, nga mi hlizlik tchina ngingik.