Wana ni Zla d’a Djivi d’a Luc mi b’irita 22:43 - Bible azumeina

⁴³ Ata yi máma, malaikana mi tcholï akulo, mi mba á hum ad’enga.

Wana ni Zla d’a Djivi d’a Luc mi b’irita 22:43 Referans Kwoze

Matiye 4:11

Ata yi máma, diable mi aramu, wani malaikana a mba, a nga lum sunda.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Matiye 26:53

Ang we nga d’ala an ndak á tchen Abun mi sununï malaikana adesâ kal dogo yam mbà ka tchetchemu d’a d’uo zu?

Hebre-na 1:6

Wani kid’a Alona mi sun ni Gorom ma a vud’um avok ahlena petna yam andagad’a kuad’a, mi dala: Ar malaika mama pet a kud’uromu.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Matiye 4:6

Ang le nAlona Goroma ni, ang geï tang kä, kayam a b’ir kur mbaktumba hAlonid’a ala: Alona mba mi he vuna mi malaika mama kangû. A mba vang akulo kabozi kayambala ahinad’a ti dabang kang aseng nguo d’a.

Gat ta a hat á mbàd’id’a 3:28

Ang he vuna mi Josue, ang hum ad’enga, ang siramu, kayam ni mam ba, mba mi tit avok sum ndazina, mba mi hazi ambas sa ang wat wanda djona.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Sunda hi suma a sunuzinid’a 18:23

Kid’a mi kak sä kua ndjö d’a, mi tchol nga mi tit yam andaga d’a Galat-ta ki d’a Frizi-d’a. Mi nga mi sira suma hata pet kur he gagazi mazid’a.

Daniel 11:1

Kur biza d’a avok ka Dariyus ma Mede-na nga mi tamulid’a, an nga gevem á ndjunum á djigim mi.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.