Wana ni Zla d’a Djivi d’a Luc mi b’irita 22:12 - Bible azumeina

¹² Mam mba mi simad’agi gong nga ngol la yam ndrata akulo d’a a min ahlena pet nga kuad’a. Agi minigi ahlena kua.

Wana ni Zla d’a Djivi d’a Luc mi b’irita 22:12 Referans Kwoze

Sunda hi suma a sunuzinid’a 1:13

Kid’a azi kal avod’a, azi djak kur gong nga yam ndrata akulod’a, ata yima azi nga kaka kuana, nala, Pierre azi ki Jean, Jacques, Andre, Filip, Toma, Bartelemi, Matiye, Jacques Alfe goroma, Simon ma kak djangûna ki gata hi Romê-d’a avo’â ki Judas Jacques goroma mi.

Jean 2:25

Mi min ala sana dum yam sa d’i, kayam mam tamba mi we vama nga hur sanina.

Sunda hi suma a sunuzinid’a 20:8

Lalamba ablaud’a ti nga kur gong nga fiyak ka yam ndrata akulo d’a ami nga toka kuad’a.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Wana ni Zla d’a Djivi d’a Luc mi b’irita 22:11

Agi dagi mi samazina ala: Ma hat suma mi dala: Gong nga akoi d’a an mba ni te Pa’â kua ki man suma hatid’a ni lara ge?

Wana ni Zla d’a Djivi d’a Luc mi b’irita 22:13

Azi iya, a fahlena d’igi mam dazi na, a min ahle suma te Pa’â kua.