Wana ni Zla d’a Djivi d’a Luc mi b’irita 21:21 - Bible azumeina

²¹ Ata yi máma, suma kur Jude-na a ring a i aduk ahuniyôna, suma kur Jerusalem-ma a buzuk kei abua, suma a nga kur asinenina a hulong avo d’i.

Wana ni Zla d’a Djivi d’a Luc mi b’irita 21:21 Referans Kwoze

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Vama ndum mbeina 18:4

An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.

Marik 13:15

Kur bur máma sama nga yam gonga akulona, ar mi tchuk asem kä á kal kur gong mamba á hle va d’i.

Matiye 24:16

Ata yi máma, ar suma Jude-na a ring ngei aduk ahuniyôna.

Jeremi 35:11

Kid’a Nebukanezar amul ma Babilon-na mi mba á dur ambas sa wandid’a, ami dami ala: Ei i Jerusalem ei ringî abo azigar suma Babilon-na ki azigar suma Siri-na. Ni hina ba, ami mba kagami kur Jerusalem wana.

Zla d’a d’ogolâ 22:3

Sama ned’a nga mi we vama tcho ma nga mi mbana, nga mi ngei tamu, wani suma lilid’a a kal kua, a fe ndaka.

Ndumba 16:26

Mi de mablaud’a ala: Agi walagi tagi woi dei kazina hi suma tcho ndazinina, agi tinigi abogi ata va mazi d’i, tala agi bogi woi zlapa tu ki sed’ezi yam tcho mazid’a d’a d’i.

Ad’u Tinda 19:26

Ata yima atchad’a hi Lot-ta ti mbut irat ti gol blogotna, ti mbut d’igi ndjuvuna na, ti ar tchola gongzong.

Ad’u Tinda 19:17

Kid’a azi buzuk kei kela, malaikana tu mi de mi Lot ala: Ang ring sut tangû, ang gol irang blogong ngi, ang tchol aduk hur fula d’uo mi. Ang ring yam ahinad’a, kayam ang ba woi d’i.

Jeremi 37:12

Jeremi mi min á nde woi Jerusalem á i yam ambasa hi suma hi Benjamin-nid’a á ve b’rau mam mba aduk sumid’a.

Matiye 2:1

Kid’a Marie ti vut Jesus kur Betelehem yam ambas sa Jude-d’a kur atchogoi d’a Herot mi nga kur amulid’a, suma ned’a a tcholï abo ma yorogona, a mba Jerusalem.