Wana ni Zla d’a Djivi d’a Luc mi b’irita 20:21 - Bible azumeina

²¹ Sum ndazina a djobom ala: Ma hat suma, ami wami ala ang nga de ni zla d’a irata, ang nga hat ni hat ta irata mi. Ang nga pat sana yam iram go d’i, wani ang nga hat ni lovota hAlonid’a gagazi.

Wana ni Zla d’a Djivi d’a Luc mi b’irita 20:21 Referans Kwoze

Matiye 22:16

A sun mazi suma hata azi ki suma hi Herot-na atamu. A djobom ala: Ma hat suma, ami wami ala angî ma gagazina, ang nga hat suma yam lovota hAlonid’a kur gagazid’a. Ang nga le mandara sa d’i, kayam ang nga ka ir sa d’i.

Galat-na 1:10

Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Marik 12:14

Kid’a azi mbeï atamba, a dum ala: Ma hat suma, ami wami ala angî ma gagazi ma bei le mandara sa ba na, kayam ang nga ka ir sa d’uo mi, wani ang hat suma yam lovota hAlonid’a kur gagazid’a. Djivid’a ei hei tara mamulâ Sesar roze ei hum mbuo zu?

Sawal la giled’a 55:21

Sama nana mi mbut ni ir buniyôma, mi b’lak vun mam ma djinda woi mi.

Sawal la giled’a 12:2

Ma didina, ang ndjunumiya! Sama d’engzeng nga d’uo d’a, suma d’ingêrâ a nga dap pei aduk suma.

Wana ni mbaktumba hi Job-pa 34:19

Alona nga mi man sana yam ngol mamba d’i, nga mi wal ir sama ndjondjoîna ki sama houd’a d’uo mi, kayam azi djak ni sun nda mam lat kabomba.

2 Sunda Hamuleinid’a 19:7

Kayam ndata, agi lagi mandara Ma didina, agi gologi tagi djivi ata yima agi mba kagi sariyad’ina, kayam mbut ira nga ata Ma didina Alo meina d’oze nga mi man sa yam ngol mamba d’oze nga mi ve bege d’a mbut ira abo sa d’uo mi.

Galat-na 2:6

Wani suma a nga golozi d’igi suma nglona na na, an golozi ni va d’i, kayam Alona nga mi pat sana ni yam iram go d’i. An nga ni dala suma nglo ndazina a had’an nga va tu d’i.

Wana ni Zla d’a Djivi d’a Luc mi b’irita 20:20

Kayam ndata, azi nga tchiged’emu, a tchuk led’et suma a nga golozi d’igi suma d’ingêrâ na na á vum ki zla d’a avunamba á hum abo suma te yamba, á ka sariyad’a kam mi.

Wana ni Zla d’a Djivi d’a Luc mi b’irita 20:22

Djivid’a ei hei lombod’a mamulâ Sesar roze ei hum mbuo zu?