Wana ni Zla d’a Djivi d’a Luc mi b’irita 2:7 - Bible azumeina

⁷ Ti vut gorot ma avo’â, ti d’ud’um ki barud’a, ti gum kur kup ma tena hi d’uwarîna, kayam yima burâ nga kazi kur gong nga akoid’a d’i.

Wana ni Zla d’a Djivi d’a Luc mi b’irita 2:7 Referans Kwoze

Galat-na 4:4

Wani kid’a yina ndaka, Alona mi sunï Gorom ma atchad’a ti vud’um ad’u gata hi Juif-fîd’a,

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Matiye 1:25

Wani mi zlap nga ki sed’et ti, gak ti vut gorotna. Mi tinim simiyêm ala Jesus.

Matiye 8:20

Jesus mi hulong dum ala: Beyaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Matiye 13:55

Ni ma tchet aguna goroma d’uo zu? A yi asum ala Marie d’uo zu? Jacques azi ki Josef ki Simon ki Jude a ni b’oziyoma d’uo zu?

Sawal la giled’a 22:6

A tchi kangû; ang sud’uziya; a deng tazi atangû; a mbut nga zulona d’i.

Wana ni Zla d’a Djivi d’a Luc mi b’irita 10:34

Mi i gevemu, mi djinim mbilimu, mi vom mbulâ ki süm guguzlud’a kua. Mi hlum mi tinim yam koro mama, mi im kur gong nga akoid’a á ngomomu.

Buzuk ka Abud’a 4:24

Kid’a Moise mi nga kur titid’a, mi mba kur yima dingâ tu, mi bur kä. Ata yi máma Ma didina mi mba atamu, nga mi halam á tchid’a.

Ad’u Tinda 42:27

Kid’a azi tchuk kä á burâ glovota, ma dingâ tu, mi but vun bid’im mamba á hawuna mi korona, mi fe bege mamba ged’a avun bid’imba.

Ad’u Tinda 43:21

Hulong mami d’a avod’a, kid’a ami tchugumi ahlena kä á burâ kä d’a, ata yi máma, ami bud’umi vun bud’omei mamina. Nge nge pî mi fe beged’a avun bid’im mamba d’igi beged’a ami guzumi kawunid’a na. Wani ami hulongômi nga ki sed’et abomiya.

Wana ni Zla d’a Djivi d’a Luc mi b’irita 2:6

Kid’a azi sä Betelehem tua d’a, Marie burut ma vuta ndaga.

Wana ni Zla d’a Djivi d’a Luc mi b’irita 2:8

Kur andaga ndata, suma pola a nga abageya, a nga ngom tumiyô mazina andjege.