Wana ni Zla d’a Djivi d’a Luc mi b’irita 2:14 - Bible azumeina

¹⁴ Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

Wana ni Zla d’a Djivi d’a Luc mi b’irita 2:14 Referans Kwoze

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

Wana ni Zla d’a Djivi d’a Luc mi b’irita 19:38

A dala: Ar Alona mi b’e vunam yam amul ma ngol ma mi mba ki simiyê Ma didinina. Agi suma sä akulona, agi kagagi ki b’leng nga halasa, agi suburugi Alona mi.

Kolos-sâ 1:20

Ni kayam ndata ba, Alona mba ki b’leng nga halasa yam buzuna hi Gorom ma djang ngei ata agu ma b’alina. Kayam ndata, Alona mi zlap ahlena pet darigïd’a ki mamu, nala, ahle suma yam andagad’ina kahle suma sä akulona mi.

Wana ni Zla d’a Djivi d’a Luc mi b’irita 1:79

á b’o yam suma a nga kaka kur nduvunda ad’u angus matnina, á tini asei kur lovot ta b’leng nga halasa mi.

Vama ndum mbeina 5:13

An hum ahle suma led’a suma akulona pet kahle suma yam andagad’a kahle suma kä ad’u andagad’a kahle suma kur alum ma ngolâ kahle suma led’a suma kä aduk mbinina pet, a nga hle sawala ala: Giled’a ki hud’a ki subura kad’enga a nga mi mam ma nga kak kä yam zlam mba amulina ki Gor timina gak didin.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

Jean 17:4

An suburung wa yam andagad’a ka hî, an dap wa sun nda ang handji á led’id’a.

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,

Filip-ma 2:11

ar suma pet a dala: Jesus Christ ni Salad’a mi, yam subura hAbum Alonid’a.

Wana ni Zla d’a Djivi d’a Luc mi b’irita 3:22

Muzuk ma bei tchod’a ba na mi surop kamu, mi hle tam d’igi gugud’a na. Dela ti tcholï akulo, ti dala: Angî Goron ma an hurun vang heîna; tan ndi lan djivid’a heî kangû.

Matiye 21:9

Ablau suma a nga tit avoroma kablau suma a nga tit blogoma, a nga er ad’uzi akulo ala: Suburi David goroma. Ar Alona mi b’e vunam yam sama nga mi mba ki simiyê Ma didinina. Suburi Alo ma sä akulona.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Efes-sâ 1:9

Kayam ndata, mi tagei zla d’a mudurid’a hi min mam mba mi ngat kurum avok dei á ndagat memet yam Christ-sa.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Efes-sâ 2:7

Mi le hina á tak suma mam mba ngol la kal papad’a woi avok suma pet ata yima nga mbana, yam djivi mam mba mi ndeizi woi yam Jesus Christ-sa.

Efes-sâ 2:4

Kid’a ei boi woi kur tchila meid’id’a, Alo ma we hohowa suma ki o mam mba ngol la mi lat keid’a, mi mbud’i arid’a zlapa tu ki Christ. Ni yam suma mamba ba, mi sud’ugi kiya.

Jean 14:27

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Mise 5:5

A mba te yam ambas sa Asiri d’a hi Nimrot-ta ni kahle mazi suma sïna. Ata yima suma Asiri-na a mba mba yam ambas meid’a a mba kal yam andaga meid’ina, mam mba mi pad’ei woi aboziya.

Wana ni Zla d’a Djivi d’a Luc mi b’irita 2:13

Atogo hina zak, ablaud’a hi malaikanid’a zlapa ki malaika máma, a nga gile Alona ala:

Wana ni Zla d’a Djivi d’a Luc mi b’irita 2:15

Ata yima ablaud’a hi malaikanid’a a arazi a hulong akulona, suma pola a de tazi ala: Ar ei i gak Betelehem á we vama le ma Salad’a mi tageizina.