Wana ni Zla d’a Djivi d’a Luc mi b’irita 2:13 - Bible azumeina

¹³ Atogo hina zak, ablaud’a hi malaikanid’a zlapa ki malaika máma, a nga gile Alona ala:

Wana ni Zla d’a Djivi d’a Luc mi b’irita 2:13 Referans Kwoze

Vama ndum mbeina 5:11

An gola! An hum dela hi malaika suma ablau suma bubup dogo suma a ndak á ndumba d’uo na. Azi ngui zlam mba amula kä kahle suma ari suma fid’i ndazina ki suma nglona mi.

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

Sawal la giled’a 148:2

Agi malaika mama pet, agi gilemu! Agi ahle mam suma mi lagina pet, agi gilemu!

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Wana ni Zla d’a Djivi d’a Luc mi b’irita 15:10

Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

Wana ni mbaktumba hi Job-pa 38:7

Nata yi máma ba, tchitchiu d’a yorogod’a ti hle sawala abo tat tu, malaika mana pet a hle sawala ki furîd’a ki delezi akulo mi.

Sawal la giled’a 68:17

Wani ni kayam me ba, ndak ahina d’a yak fuyogeid’a ablaud’a heîd’a, ndak nga d’i le yungôrâ yam ahina d’a Siyon nda Alona mi manat á kak kuad’a ge? Gagazi, Ma didina mba mi kak kua gak didin!

Efes-sâ 3:10

wani ki tchetchemba, yam Toka, suma te yamba ki suma ad’eng suma sä akulona a we ne d’a tetenga hAlonid’a.

Ad’u Tinda 28:12

Adïd’a nga d’i dumu, mi wägu ma djak kakulona mi nga tinda kä yam andagad’a gak yam mbi do hur alona. Malaikana hAlonina a nga djaga akulo, a nga hulongî kä ata agu máma.

Ezekiyel 3:12

Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.

Wana ni Zla d’a Djivi d’a Luc mi b’irita 2:12

Wana ni vama simat ma agi mba wum ki na: Agi mba fagi gorâ d’uta ki barud’a, ged’a kä kur kup ma tena hi d’uwarîna.

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.