Wana ni Zla d’a Djivi d’a Luc mi b’irita 18:32 - Bible azumeina

³² Azi mba han abo andjaf suma bei wAlona; sum ndazina a mba lazanu, a mba ngulunu, a mba tuvon ayôna iranu,

Wana ni Zla d’a Djivi d’a Luc mi b’irita 18:32 Referans Kwoze

Wana ni Zla d’a Djivi d’a Luc mi b’irita 23:11

Herot azi ki azigar mama a golom d’igi vama hawana na, a lazamu. A tchugum baru d’a ngal wiwilika atamu, a hulongôm mi Pilat.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Marik 14:65

Suma hiuna a nde tuvom ayôna iramu, a dugum iramu, a tom kaboziya, a dum ala: Sama tongâ ni nge ge? Azungeîna a vum ki tod’a mi.

Matiye 26:67

Kayam ndata, a tuvom ayôna iramu, a tomu. Suma dingâ a tom kaboziya,

Matiye 16:21

Kur bur máma, Jesus mi nde mi de woi mi mam suma hata ala: Mbeî an i Jerusalem á fe ndaka ngola abo suma nglona azi ki nglo suma ngat buzuna ki suma hat gata mi. A mba tchanu, wani kur bur ma hindina, an mba ni tchol akulo aduk suma matna.

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Isai 52:14

Suma ablaud’a a mba golomu, a mba hat huruzi kamu, kayam iram mbut hohoud’a, ti nga d’igi ir sana na d’uo d’a.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Jean 18:35

Pilat mi hulong dum ala: An ni ma Juif-fâ zu? Ang le ni me ba, simiyêng ki nglo suma ngat buzuna a hang abon nge?

Jean 18:30

Azi hulong dum ala: Sa máma le ni sama tchona d’uo ni, ami nga mbangzi d’i.

Jean 18:22

Kid’a mi de hina dad’a, ma dingâ aduk suma a ngom yina suma a nga tcholina, mi tumum iramu, mi dum ala: Ang hulong zla d’a ded’a mi ma ngol ma ngat buzuna ni hina zu?

Wana ni Zla d’a Djivi d’a Luc mi b’irita 23:35

Suma a nga tchola á golomu, wani suma te yamba a nga lazamu, a nga dala: Mi sut suma dingâ; le mi ni Mesi ma Alona mi manama ni, ar mi sut tamu!

Wana ni Zla d’a Djivi d’a Luc mi b’irita 23:1

Sum ndazina a yo ki zla tazi pet, a i ki Jesus avok Pilat.

Matiye 27:2

Azi djinim a im a hum abo Pilat ma te yamba.

Jean 18:28

A nde Jesus woi avo hi Kayif ki yorogo tcholola, a im kur azina hi ma te yambina. Azi tazi tchuk nga kua d’i, kayam azi min mbut tazi ndjendjed’a d’i, kayam azi fe lovota te Pa’â.

Marik 15:1

Ki yorogo tcholola, nglo suma ngat buzuna azi ki suma nglona ki suma hat gata ki suma b’ak zlad’a ki zlazi pet a ndjak vunazi tu. Azi djin Jesus, a im a hum abo Pilat.

Matiye 20:19

Azi mba han abo andjaf suma bei wAlona. Sum ndazina a mba lazanu, a mba ton ki blafâ, a mba b’alan akulo ata agu ma b’ala mi. Wani kur bur ma hindina, an mba ni tchol akulo aduk suma matna.

Matiye 22:6

Suma hiuna a vik azungeî mama, a lazi ndaka, a tchaziya.

Wana ni Zla d’a Djivi d’a Luc mi b’irita 18:33

a mba ton ki blafâ, a mba tchanu. Wani kur bur ma hindina an mba ni tchol akulo aduk suma matna.

Jean 18:32

Ahle ndazina a le hina á ndak ki vun zla d’a Jesus mi dat tei avok yam mad’am ma mam mba mi mitna ndak memet.