Wana ni Zla d’a Djivi d’a Luc mi b’irita 18:14 - Bible azumeina

¹⁴ Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 18:14 Referans Kwoze

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Jacques 4:10

Agi gagi yagi kä avok Salad’a, mam mba mi hlagi yagi akulo.

Matiye 23:12

Sama mi hle yam akulona, a mba hulongôm yam kä, sama mi ge yam kä na, a mba hlum yam akulo mi.

Zla d’a d’ogolâ 29:23

Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Wana ni Zla d’a Djivi d’a Luc mi b’irita 1:52

Mi zut suma te yamba kä woi yam zlumiyô mazina, mi hle yam suma lulumana akulo mi.

Sawal la giled’a 138:6

Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

Matiye 5:3

Suma a ge yazi kä kukud’u’â a le furîd’a, kayam leu d’a akulod’a ni mazid’a.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Zla d’a d’ogolâ 3:34

Nga mi las suma a nga las sumina, wani nga mi ve suma halasa sumad’a.

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

Galat-na 2:16

Wani ami wami ala sana nga mi mbut d’ingêr avok Alona yam sunda hi gat ta mi lata d’i, wani yam he gagazi mam mba yam Jesus Christ-sa. Kayam ndata, ami hami gagazid’a yam Jesus Christ, ami mbud’umi suma d’ingêrâ ni yam he gagazi d’a yam Christ-sa, ni yam sunda hi gat ta ami lata d’i. Kayam sana nga mi mbut d’ingêr avok Alona ni yam sunda hi gat ta mi lata d’i.

Romê-na 4:5

Wani le sana mi le nga sun nduo ba, wani mi tin hurum yam Alo ma mi mbut suma tchona d’ingêrâ ni, Alona mi ndum tin hur mama ni d’ingêr mi.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Wana ni Zla d’a Djivi d’a Luc mi b’irita 10:29

Wani mi min mbut tam d’ingêr, mi djop Jesus ala: Ndrana ni nge ge?

Zla d’a d’ogolâ 18:12

Subur tad’a avok tua ba, b’laka ti mba bugolo, wani ge yam mba kä d’a avok tua ba, subura ti mba ni bugol mi.

Zla d’a d’ogolâ 15:33

Le mandara Ma didina hat ni ned’a, ge yam mba kä d’a avok tua ba, subura mba ni bugolo.

Wana ni mbaktumba hi Job-pa 22:29

Kayam Alona nga mi b’lak nga hurâ hi sama yam mba ad’engina woyo, wani nga mi ndjun sama mi ge yam kä lulumana.

1 Samuel 1:18

Ti hulong dum ala: Ang we hohowa magom manga. Ti ge tat ti iya, ti te tena, hurut mi b’lengâ.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Romê-na 8:33

Sama mba mi kal yam suma Alona mi manazina ni nge ge? Sa nga d’i, kayam Alona mi mbud’uzi suma d’ingêrâ avoromu.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Wana ni mbaktumba hi Job-pa 9:20

Le an ni sama d’ingêrâ pî, vunan mba kan sariyad’a kanu. Le an ni sama bei zlad’a kana pî, vunan mba mi mbud’un sama zla nga kama.

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Ma tchi wala 9:7

Ang i te te mangâ ki furîd’a, ang tche süm guguzlu manga ki hur ma hapma, kayam Alona tam lum djivid’a yam sun manga da’.

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Zla d’a d’ogolâ 25:7

Hotei a dang ala: Ang mbeï ka hî, kal la a hulongôngî woi kä avok sama ngolâ ata yima ang wum da na.