Wana ni Zla d’a Djivi d’a Luc mi b’irita 18:13 - Bible azumeina

¹³ Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Wana ni Zla d’a Djivi d’a Luc mi b’irita 18:13 Referans Kwoze

Esdras 9:6

an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

Sawal la giled’a 41:4

Ma didina mba mi ndjunum kur tugud’ei mamba yam azang mama, mba mi ngomom kur tugud’ei mamba mi.

Wana ni Zla d’a Djivi d’a Luc mi b’irita 23:48

Ablau suma pet suma a mba á wahle suma a lenina, kid’a a wazid’a, a hulong avo, a nga tchabozi kuruziya.

Hebre-na 8:12

Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Sunda hi suma a sunuzinid’a 2:37

Kid’a azi hum zla ndatid’a, zlad’a vaziya, a de mi Pierre azi ki suma hiu suma a sunuzina ala: B’oziyomina, ami lami ni nana ge?

Hebre-na 4:16

Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Sawal la giled’a 25:11

Ma didina, yam simiyêngû, ang vat hurung ngei yam tcho manda, kayam ti ngola heî.

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

2 Korente-na 7:11

Gola! Zal hur ma tcholï ata Alo ma mi had’agina nga mi zud’ugi avogovok á väd’u zla magid’a. Hina, agi nga ki hur ma hata, agi nga ki mandarâ, agi nga ki hur ma tinda á wanu, tagi nga d’i lagi zlezleû, agi nga ki hur ma hata á ka sariyad’a yam tchod’a mi. Kur ahle ndazina pet, agi nga tagagi woi ala zla nga kagi d’i.

Sawal la giled’a 25:7

Ma didina, ang djib’er yam tcho manda ki tchila man nda kazongôn deid’a d’i, wani ang djib’er kan yam we hohou manga ki djivi manga.

Matiye 9:13

Wani agi igiya, agi i had’agi ad’u zla d’a a b’irit kur mbaktumba hAlonid’a ala: Alona mi dala: An min ni we hohowa suma, nga ni buzu ma ngata d’uo d’a, kayam an mba ná yi suma d’ingêrâ d’i, wani ná yi suma tchona.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Wana ni Zla d’a Djivi d’a Luc mi b’irita 17:12

Kid’a mi kal kur azì ma dingâ tu d’a, suma libina dogo a d’ugulomu, a tchol sä woi hina dei.

Daniel 9:5

Ami lami tchod’a, ami lami sun nda batranga, ami lami asa’ata, ami song vunangû, ami arami vun mang ma hed’a ki gat manga woyo.

Sawal la giled’a 130:7

Agi Israel-lâ, agi tinigi hurugi yam Ma didina, kayam mam mi sama djivina; ni ma sut suma woi kur ndakina.

Sawal la giled’a 119:41

Ma didina, ar ang tagan o mang nga didinda, ar ang sud’un d’igi ang hle vunang na.

Sawal la giled’a 106:6

Ami lami tchod’a d’igi abuyomi ngolo na, ami tchilami yam gata, ami lami sun nda asa’ata.

Sawal la giled’a 40:12

Ma didina, ang mba ar bei wan hohowon ndi, kayam o mang nga didinda ki gagazi manga a mba ngomon teteu.

2 Sunda Hamuleinid’a 33:23

Mi hulong nga yam kä avok Ma didina d’igi abum Manase mi hulong yam kä na d’i. Amon nga mi le tchod’a avogovogo, zlad’a nga kam avok Ma didina.

2 Sunda Hamuleinid’a 33:19

Tchen mamba ki hum mba Alona mi humuta ki tcho mam mba mi lata ki sun mam mba ata yat tuo d’a ki yima mi min yima ndingâ kua á kud’or fileinina ki gong nga kud’or ra mi minit malo d’a a yat ala Asera-d’a ki filei ma mam tched’em avok kä bei mam hulong yam kä d’a, a b’irizi nga kä kur Mbaktumba hi Hozai-d’a.

2 Samuel 12:13

David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Matiye 6:5

Jesus mi had’azi kua ala: Ata yima agi nga tchenegi Alonina, agi lagi d’igi suma lop ira na d’i, kayam azi min á tchol akulo kur gongîyo mazi suma toka á tchenda, d’oze grak lovota á tchenda, kayam suma a waziya. Gagazi, an nga ni dagiya, a fe wa wurak mazid’a da’.

Matiye 10:3

Filip ki Bartelemi, Toma ki Matiye ma ve lombod’a, Jacques Alfe goroma ki Tade,

Marik 11:25

Le agi nga tchologi á tchen Alona, le agi nga ki hur ma zala yam sa ni, ar hurugi vat tei kamu. Hina wani, Abugi ma sä akulona hurum mba mi vat tei yam tcho magid’a mi. [

Wana ni Zla d’a Djivi d’a Luc mi b’irita 22:41

Mi wal lei ki sed’ezi dubung d’igi sana mi gahinad’a na, mi grif kä, mi tchen Alona.

Buzuk ka Abud’a 33:10

Suma pet a we d’ugul la tchola gongzong nga nga duka avun zlub’ud’a b’eb’eta. Ata yi máma suma pet a tchol akulo, nge nge pî mi grif kä avun zlub’u mamba, mi kud’or Alona.