Wana ni Zla d’a Djivi d’a Luc mi b’irita 17:30 - Bible azumeina

³⁰ Wani bur ma an Gor Sana mba ni nde woina, mba mi le ni hina mi.

Wana ni Zla d’a Djivi d’a Luc mi b’irita 17:30 Referans Kwoze

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

1 Korente-na 1:7

Kayam ndata, he d’a hawad’a hAlonid’a tu pî ti kid’agagi nga agi suma nga djubugi bur ma Saleina Jesus Christ mba mi nde woina d’i.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

Wana ni Zla d’a Djivi d’a Luc mi b’irita 21:27

Ata yi máma, suma a mba wan an Gor Sana mba ni mbeï kur d’ugula kad’eng nga ngola ki subura mi.

Matiye 24:3

Jesus mi nga kak kä yam ahina d’a Olif-fa. Mam suma hata a mba gevem vaziya, a djobom ala: Ang damiya, ahle ndazina a mba le ni mindja ge? Vama simat ma mba mi le ba suma a mba wala mba manga ki dabid’a hi duniyad’id’a a ar go na, ni me ge?

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

1 Pierre 4:13

Wani le agi nga zlapa ki Christ kur ndak mamba ni, agi lagi furîd’a, kayam fata mam mba mi nde woi kur subur mambid’a, agi mba lagi furî d’a ngol la kala.

Marik 13:26

Ata yi máma, suma a mba wan an Gor Sana mba ni mbeï kur d’ugula kad’eng nga ngola ki subura mi.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Matiye 24:39

Azi we nga va d’i, gak mbina mi mba mi yozi woi pet. Mbad’a hi an Gor Sanid’a mba d’i le ni hina dedege mi.

Matiye 24:37

Wani mbad’a hi an Gor Sanid’a mba d’i le ni d’igi burâ hi Noe-na na mi.

Wana ni Zla d’a Djivi d’a Luc mi b’irita 21:22

Kayam bur máma ni bur ma sä atchugula á ndak vun ahle suma a b’irizi kur mbaktumba hAlonid’ina.

Wana ni Zla d’a Djivi d’a Luc mi b’irita 17:24

Ni d’igi alona mi wile abo tu mi b’o yina gak mi ndeza abo woi hî na, mbad’a hi an Gor Sanid’a mba d’i le hina mi.

Wana ni Zla d’a Djivi d’a Luc mi b’irita 17:29

Wani bur ma Lot mi nde woi kur Sodom-ma, aku d’a sufred’a ti tcholï akulo, ti nde kazi ti tchazi woi pet.

1 Korente-na 1:8

Ni mam ma mba mi hagi ad’enga gak bur ma dabid’a, tala agi kagagi suma bei zlad’a kagi ba kur bur ma mbad’a hi Saleina Jesus Christ-sâ na.

Kolos-sâ 3:4

Fata Christ ari meid’a nde woid’a, agi mba buzugugi woi zlapa tu ki mam kur subur mamba mi.

1 Jean 2:28

Grona, ki tchetchemba, agi kagagi zlapa tu ki Christ, kayam fata mam nde woid’a, ei mba kagei bei mandarâ ba. Kur bur ma mba mambina, zulona mba mi lei avorom mbuo mi.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.