Wana ni Zla d’a Djivi d’a Luc mi b’irita 17:27 - Bible azumeina

²⁷ Suma a te, a tche, a vik aropma, aropma a vik andjofâ, gak bur ma Noe mi kal kur batod’ina, mbina mi kus mi tchazi woi pet.

Wana ni Zla d’a Djivi d’a Luc mi b’irita 17:27 Referans Kwoze

Isai 21:4

Vunadigan ndi pat fek, mandarâ mi vanu, fladege d’a an nga ni le furîd’a kuad’a d’i mbut ni fladege d’a ti lan mandarîd’a.

Ad’u Tinda 7:7

Noe mi kal kur batod’a kamamba ki groma kamiyôzina á sut tazi abo mbiyo ma nga mi kusâ.

Ad’u Tinda 7:23

Alona mi dap ahle suma ari suma yam andagad’ina woi pet, nala, suma, azureina, ambureina, ahle suma a dram kä na kaluweina. Arî Noe ki suma a nga ki sed’em kur batod’ina hol.

1 Samuel 30:16

Sa máma mi tin David ata yima azi nga kuana. Gol wani, suma Amale’â a b’rau nga woi ata yina teteng, a nga te, a nga tche, a nga le furîd’a kayam ahle suma nglo suma azi hurumzï kur ambas sa Filistê-d’a ki d’a Juda-d’ina.

Isai 47:11

Ndaka mba d’i mba kak bei ndak we lovota á d’elet ba, djop vuna mba mi mba kak bei ndak fe lovota á kengêm bei ba, b’laka mba d’i surop kak atogo hina zak bei ndak we ba mi.

Matiye 22:30

Kayam fata suma a mba tchol akulo aduk suma matnid’a, azi mba vik arop pi, aropma a mba vik andjof fuo mi, wani azi mba ka’î d’igi malaika suma sä akulona na.

Wana ni Zla d’a Djivi d’a Luc mi b’irita 17:26

Ahle suma a le kur atchogoid’a hi Noe-d’ina a mba le kur burâ hi an Gor Sanina hina mi.

Wana ni Zla d’a Djivi d’a Luc mi b’irita 17:28

Kur atchogoid’a hi Lot-ta ni na mi. Suma a te, a tche, a guza, a gus seyo, a zar andjafâ, a min gongîyona.