Wana ni Zla d’a Djivi d’a Luc mi b’irita 16:8 - Bible azumeina

⁸ Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Wana ni Zla d’a Djivi d’a Luc mi b’irita 16:8 Referans Kwoze

1 Tasaloni’â 5:5

Kayam agi pet ni suma hi b’od’ina, suma hafatina mi. Ei ni suma handjeged’ina d’i, ei ni suma hi nduvundina d’uo mi.

Efes-sâ 5:8

Kayam adjeu agi ni kur nduvunda, wani ki tchetchemba, agi zlabagi tu ki Salad’a, agi ni kur b’od’a. Kayam ndata, agi tid’igi d’igi suma a nga kur b’od’ina na.

Wana ni Zla d’a Djivi d’a Luc mi b’irita 16:10

Sama d’engzeng yam ahle suma akid’einina, ni sama d’engzeng yam ahle suma nglona mi. Sama bei d’engzeng yam ahle suma akid’einina, ni sama bei d’engzeng yam ahle suma nglona mi.

Jean 12:36

Ata yima b’od’a ti nga ki sed’egina, ar agi hagi gagazid’a kad’u, kayam agi mbud’ugi suma hi b’od’ina. Kid’a Jesus mi de zla ndata dad’a, mi iya, mi ngei tam mbei iraziya.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.

Wana ni Zla d’a Djivi d’a Luc mi b’irita 16:4

An we vama an mba ni lena. Hina wani, fata a digin ndei kur sun nda ngom ahlenid’a, suma a mba van avo hataziya.

Buzuk ka Abud’a 1:10

Ei halei lovota á d’elezi á zula. Le hina d’uo ni, le ayîna tchola ni, a mba zlap ki mei suma djangûna, a mba duriya. Bugola, a mba buzuk kei kur ambasa.

Ad’u Tinda 3:1

Wani guguina ni ma lem mamba kal azurei suma Ma didina Alona mi lazi petna. Mi de matchad’a ala: Alona mi dagi ala agi tagi vud’agu ma kur asinena pet tuo ni, gagazi zu?

Wana ni Zla d’a Djivi d’a Luc mi b’irita 20:34

Jesus mi hulong dazi ala: Suma kur atchogoi d’a wandina a nga vik aropma kandjuveina,

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

2 Samuel 13:3

Wani Amnon banama nga, a yum ala Jonadap, ni Samma ma David wiyemina goroma. Mi ni sama we zlad’a heîna.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.

Wana ni Zla d’a Djivi d’a Luc mi b’irita 18:6

Salad’a mi dazi kua ala: Agi humugi zlad’a hi ma ka sariya ma bei d’ingêr mámid’a.

Matiye 17:26

Pierre mi hulong dum ala: Nabo angoyogeina. Jesus mi dum ala: Le ni na ni, gro vuta a wurak ki.

2 Amuleina 10:19

Ar agi yagï suma djok vuna hi Bäl-lâ ki suma a kud’uroma ki suma a ngad’am buzunina pepet, a mbeï gevenu. Ar sa arza woi tu d’i, kayam an min le vun til ma ngolâ á ngat buzuna á subur Bäl. Sama ar bei mbad’ina, a mba tchum mbeyo! Jehu mi le ni lemba á tchi suma a kud’or Bäl-lâ woyo.

Matiye 12:32

Sama nga ni lazan an Gor Sanina, Alona mba mi vat hurum mbei kamu, wani sama nga mi las Muzuk ma bei tchod’a ba nina, Alona mba mi vat hurum mbei kam kur atchogoi d’a wanda d’oze ta nga d’i mbad’a d’uo mi.

Wana ni Zla d’a Djivi d’a Luc mi b’irita 16:7

Bugola, mi de mi ma bal ma dingâ ala: Balâ kangî ga ge? Ma balâ kama mi dum ala: Gogong ma nga gemena kikis vahl. Ma ngom ahlena mi dum ala: Ang hleï mbaktum mang nga balâ, ang mbud’ut kikis fid’i.

Wana ni Zla d’a Djivi d’a Luc mi b’irita 20:35

wani suma Alona mi golozi ndak á tchol akulo aduk suma matna á i kur atchogoi d’a nga d’i mbad’ina, a nga vik arop pi, aropma a nga vik andjof fuo mi.

Zla d’a d’ogolâ 12:8

Suma a nga yor sana ni yam wäd’u mamba, wani sama hurum tchod’ina, suma a nga golom is.