Wana ni Zla d’a Djivi d’a Luc mi b’irita 16:22 - Bible azumeina

²² Ma houd’a mi mid’a, malaikana a hlum sä gen Abraham. Ma ndjondjoîna mi mit mi, a tozomu.

Wana ni Zla d’a Djivi d’a Luc mi b’irita 16:22 Referans Kwoze

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.

Jacques 1:11

Kayam afata ti deyâ, ayât mi nde kä, asuna mi so woyo, b’o mamba ti yak keyo, djif mama mi dap pei mi. Sama ndjondjoîna mba mi wal lei kahle mama ni hina mi.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Jean 13:23

Ma dingâ aduk mam suma hata, ni ma Jesus mi le kam heîna, mi nga kaka kä avun tena go ki Jesus.

Marik 8:36

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge?

Ma tchi wala 8:10

Ata yi máma an we suma a tos suma asa’atna kur zula. Sum ndazina a hulongî a nga suburuzi kur lovota, a mar rei yam sun mazi d’a asa’at ta azi lata. Wana ni sun nda hawa yaka d’ei.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Matiye 24:31

An mba ni sun malaika mana, a mba bu adif fa ngola, a mba tok suma an manazina abo yima fid’ina gak ata avun dabid’a handagad’id’a pet mi.

Matiye 18:10

Jesus mi had’azi kua ala: Agi gologi tagi djiviya, agi gologi ma tu ma aduk gugurei suma wana is si. Kayam an nga ni dagiya, malaika mazina a sä akulo a nga gol ir Abun ma sä akulona teteu. [

Wana ni mbaktumba hi Job-pa 21:13

Kak mazid’a yam andagad’id’a ni ki djivid’a, a nga i kä azulei ki halasa bei ndaka ba.

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Jean 21:20

Pierre mi pret tamu, mi we ma hat ma Jesus le kam heîna nga mi djï bugolo. Ni ma deng tam ata Jesus kid’a azi nga te te ma fladegenid’a, ni ma mi dum ala: Salana, ni nge ba, nga mi hang abo suma ge na.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Matiye 8:11

Wani an nga ni dagiya, suma ablaud’a a mba tcholï abo ma yorogona kabo ma fladegena, a mba kak avun tabulâ ki Abraham azi ki Isak ki Jakob sä kur leu d’a akulod’a.

Isai 22:16

Ang le ni me ka hî ge? Ni me mangâ nga ka hî ba, ang djugot zulung ka hî ge? Ang djugot zulung akulo yam yima ndingâ, ang tcho ahinad’a á min yi mang ma tos tangâ akulo yam ahinad’a ge?

Isai 14:18

Amuleina handjaf sumina pet, gagazi, azi pet, nge nge pî mi i kä kur zul mamba ki subura.

Wana ni Zla d’a Djivi d’a Luc mi b’irita 16:21

Mi min á te bubuk te ma nga mi yak kä ad’u tabulâ hi sama ndjondjoînina. Adureina pî a mba a trâm mbilimu.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.