Wana ni Zla d’a Djivi d’a Luc mi b’irita 16:16 - Bible azumeina

¹⁶ Gata hi Moise-sa ki mbaktumba hi suma djok vun Alonid’a a ei nadjeu dei gak mba kur atchogoid’a hi Jean ma le suma batembid’a. Tin ad’ud’a kur bur máma dei gak suma a nga tchi wal Zla d’a Djivid’a yam leud’a hAlonid’a. Nge nge pî nga mi b’at tam kad’enga á kal kua.

Wana ni Zla d’a Djivi d’a Luc mi b’irita 16:16 Referans Kwoze

Matiye 21:32

Kayam Jean ma le suma batemba mi mba atagi á tagagi lovot ta d’ingêra, wani agi hagi nga gagazid’a yam zla mamba d’i. Wani suma ve lombod’a azi karop suma gaulangâ a he gagazid’a yam zla mamba. Wani agi tagi wagi ahle ndazina hina pî, agi mbud’ugi nga hurugi á hagi gagazid’a yam zla mamba d’uo mi.

Jean 1:45

Filip mi fe Natanayel, mi dum ala: Ami fami wa ma Moise mi b’irim zlam kur gatina, ni ma suma djok vun Alona a b’ir kama. Mam mi Jesus ma Nazarat-na, Josef goroma.

Wana ni Zla d’a Djivi d’a Luc mi b’irita 16:31

Abraham mi hulong dum ala: Le azi hum Moise azi ki suma djok vun Alona d’uo ni, sana le mi tchol akulo aduk suma matna pî, azi mba humum mbi.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Sunda hi suma a sunuzinid’a 3:18

Wani Alona mi ndak vun ahle suma mi dazi avok avun mam suma djok vuna pet ala Mesi mba mi fe ndaka na.

Wana ni Zla d’a Djivi d’a Luc mi b’irita 16:29

Wani Abraham mi hulong dum ala: Azi nga ki Moise azi ki suma djok vun Alona á daziya; ar azi humuziya!

Wana ni Zla d’a Djivi d’a Luc mi b’irita 10:11

Gugum ma hur aziyagi ma ngol ma mi ve hur asemina pî ni, ami pogizi kagiya. Wani agi wagi woi ala Alona mi mba wa adigagi á te leu mamba.

Wana ni Zla d’a Djivi d’a Luc mi b’irita 10:9

Agi sud’ugi suma tugud’ei suma kur azì ma ngol mámina, agi dazi ala: Alona mi mba wa adigagi á te leu mamba.

Matiye 4:17

Ata yi máma, Jesus mi tin ad’u tchi wala ala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Wana ni Zla d’a Djivi d’a Luc mi b’irita 9:2

Bugola, mi sunuzi á tchi wala yam leud’a hAlonid’a, á sut suma tugud’eid’a mi.

Marik 1:14

Ata yima a ge Jean dangeina dana, Jesus mi mba kur ambas sa Galile-d’a, mi tchi wal Zla d’a Djivid’a hAlonid’a.

Matiye 10:7

Ata yima agi nga igina, agi tchagi wala ala: Alona mi mba wa go á te leu mamba yam andagad’a.

Jean 12:19

Kayam ndata, Fariziyêna a de tazi ala: Agi gologiya, suma pet a nga i gevemu. Agi ndak á lagi va d’uo d’a.

Jean 11:48

Le ei aram hina ni, suma pet a mba he gagazid’a kamu, Romê-na a mba mba á b’lagei gong mei d’a kud’ora hAlonid’a woi kandjavei pet.

Marik 1:45

Wani mi ndabua, mi nde tchi wal zla ndata woi avogovok gak Jesus mi fe nga lovota á kal kur azì máma pid’ak ki, wani mi nga nabageya. Suma a tcholï ata yina pet a mba gevemu.

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Matiye 15:11

Vama kal avun sanina nga mi mbud’um ndjendjed’a d’i, wani ni vama ndeï woi avun sanina ba, mi mbud’um ndjendjed’a.

Jean 5:4

Kayam malaikana hi Salad’ina nga mi tchuk asem kä aduk mbina burâ tutu á gizeî mbina. Bugol gizeîd’a hi mbinid’a, sama surop kä avo’â, mi sut tei kur tugud’ei mam mba lumba.]