Wana ni Zla d’a Djivi d’a Luc mi b’irita 16:10 - Bible azumeina

¹⁰ Sama d’engzeng yam ahle suma akid’einina, ni sama d’engzeng yam ahle suma nglona mi. Sama bei d’engzeng yam ahle suma akid’einina, ni sama bei d’engzeng yam ahle suma nglona mi.

Wana ni Zla d’a Djivi d’a Luc mi b’irita 16:10 Referans Kwoze

Matiye 25:21

Salama mi dum ala: Djivi heî, ang azong ma djivi ma d’engzengâ. Ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Wana ni Zla d’a Djivi d’a Luc mi b’irita 19:17

Amulâ mi dum ala: Ang le djiviya, angî azong ma djivina. Kayam ang d’engzeng ki vama akid’eina, ang te yam azina dogo.

Matiye 25:23

Salama mi dum ala: Djivi heî, ang azong ma djivi ma d’engzengâ, ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Hebre-na 3:2

Kayam ndata, mam mi Ma d’engzengâ avok Alo ma mi tinim á le sun ndatina d’igi Moise ni ma d’engzeng ma ndak vun sun mamba memet kur gonga hAlonid’a pet na mi.

Jean 12:6

Mi de hina kayam mi le ni yam suma houd’a d’i, wani kayam mam mi sama kula, bid’im mba gurzud’a nga nabomu, nga mi kul bege d’a azi nga tchugut kura mi.

Jean 13:27

Bugol la Judas mi vavuna dad’a, Seitan mi kal kurumu. Kayam ndata, Jesus mi de mi Judas ala: Vama ang luma, ang lum atogo.

Jean 13:2

Avok tena, Diable mi kal wa zlad’a kur Judas Iskariyot Simon goroma á he Jesus abo suma. Kid’a azi nga avun tena tua d’a,

Matiye 24:45

Jesus mi had’azi kua ala: Ni nge nazong ma d’engzeng ma ne ma salama mi tinim yam suma avo hatama á b’rawazi tena ata yama ge?