Wana ni Zla d’a Djivi d’a Luc mi b’irita 15:22 - Bible azumeina

²² Wani abum mi de mazungeî mama ala: Agi mbeyegï atogo ki baru d’a djif fa kal teglesa, agi tchugumzi atamu, agi nigim ngangama abomu, agi tchugum atuguruna asem mi.

Wana ni Zla d’a Djivi d’a Luc mi b’irita 15:22 Referans Kwoze

Vama ndum mbeina 6:11

A he nge nge pî adigazi baru d’a fiyak ka hapa, a dazi ala a tuk tazi ndjö gak ablaud’a hi b’oziyozinid’a ki d’a hi ndrozi suma sun suma a mba tchazi woi d’igi azi na na ndak tua.

Ester 8:2

Ata yi máma amulâ mi pat ngangam ma abom ma mi hlum abo Haman-na, mi hum mi Mardose. Ata yi máma na wat Ester ti tin Mardose yam azina hi Haman-na.

Ad’u Tinda 41:42

Faron mi pat ngangam ma amul ma aboma, mi nigim abo Josef, mi tchugum baru d’a djif fa luluîd’a atamu, mi tchugum vayîr ma lora kelem mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Ester 3:10

Amulâ mi pat ngangam ma aboma, mi hum mi Haman Hamedata ma Aga’â gorom ma djangûna hi Juif-fîna.

Vama ndum mbeina 19:8

Mi hat lovota á tchuk baru d’a hap pa luluî d’a nga d’i ngal wiwilika atat mi. Baru d’a hap pa luluî ndata ti ta’î sun nda d’ingêra hi suma hAlonid’a.

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Galat-na 3:27

Kayam agi pet suma a lagi batemba zlapa tu ki Jesus Christ-sâ, agi tchugugi wa Jesus Christ atagiya.

Romê-na 13:14

Wani ar agi hlagi ni djib’er ra awili d’a Salad’a Jesus Christ mi hagizid’a. Ar agi djib’eregi yam ahlena hi sa magi ma adjeunina á ndak vun d’od’ok mamba d’i.

Sawal la kal teglesa 7:1

Aropma ki yuguneina a dala: Ndak hulongîya, ndak hulongîya, ndak ka Sulam-mba, ndak hulongîya, ndak hulongîya, ar ami gologu! Ni kayam me ba, agi gologi d’a Sulam-mba d’igi suma a gol ades lü ma mbàna na ge?

Sawal la giled’a 132:9

Ar mang suma ngat buzuna a tchuk d’ingêra atazi d’igi suma a tchuk baruna atazi na, ar mang suma d’engzengâ a er ad’uzi akulo ki furîd’a mi.

Sawal la giled’a 45:13

Suma Tir-râ a mba mba ki he d’a hawa mazid’a, suma ndjondjoî mazid’a kal teglesâ a mba hal djivi maka.

Sawal la giled’a 18:33

Alona ni ma han ad’engina, ni ma minin lovot manda d’ingêrâ.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.

Efes-sâ 6:15

Agi tchugugi atuguru ma min tad’a asegi á tchi wal Zla d’a Djivi d’a mba ki b’leng nga halasid’a.

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

Sawal la giled’a 132:16

An mba ni tchuk suta ata mat suma ngat buzuna d’igi a tchuk baruna atazi na, mat suma d’engzengâ a mba er ad’uzi akulo ki furîd’a mi.

Gat ta a hat á mbàd’id’a 33:25

Ar kawei mang ma avun agre’îna mi ka’î kawei ma wurana d’oze ma hleuna! Ar ang ka’î sama ad’engâ ki kak mang nga ki irang ka hî yam andagad’id’a pet!

Wana ni Zla d’a Djivi d’a Luc mi b’irita 15:21

Goroma mi dum ala: Abunu, an le tchod’a avok Alona, avogong ang mi, an ndak nga d’ala ang yan gorongâ d’a d’i.

Wana ni Zla d’a Djivi d’a Luc mi b’irita 15:23

Agi mbeyegï kamuhl ma d’orâ, agi tchagiziya, ei teya, ei lei furîd’a.