Wana ni Zla d’a Djivi d’a Luc mi b’irita 15:20 - Bible azumeina

²⁰ Mi tchola, mi i gen abumu. Kid’a mam sä woi hina dei tua d’a, abum mi wumu, mi wum hohowomu, mi ring d’ugulomu, mi vum atam ki furîd’a.

Wana ni Zla d’a Djivi d’a Luc mi b’irita 15:20 Referans Kwoze

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Efes-sâ 2:13

Wani ki tchetchemba, yam Jesus Christ, agi suma adjeu woi deina, Alona mi hud’ugï wa go ki buzuna hi Christ-sâ.

Isai 49:15

Ma didina mi hulongôt humba ala: Na ni atchad’a ti mar yam gorot ma ndat nga d’i hum aponina zu? Ti we hohowa gorot ma ndeï kurutna d’uo zu? Le ti mar kam pî, an mba ni mar kak ki.

Ad’u Tinda 33:4

Esau mi ring á ngavamu, mi bed’em kok, mi vum delemu; a hileû taziya, azi djak a nga tchiya.

Efes-sâ 2:17

Hina, Christ mi mba, mi tchi wal Zla d’a Djivi d’a b’leng nga halasa mi agi andjaf suma ding suma woi deina, mi Juif suma go ki sed’ema mi.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Ad’u Tinda 46:29

Josef djin pusâ ad’u akulumeina, mi djak kur á i Gosen á d’ugol abum Israel. Ata yima mi wuma, mi bed’em kelem kok, mi nde tchina.

Ad’u Tinda 45:14

Josef mi bet wiyema Benjamin kok, azi djak a nde tchina.

Sunda hi suma a sunuzinid’a 20:37

Azi pet a tchi ngola, a ve Paul ataziya, a gum depa.

Sunda hi suma a sunuzinid’a 2:39

Kayam vun ma hle mama ni kagi ki grogina ki suma sä deina pet ki suma Salad’a Alo meina mba mi yazina pet mi.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

2 Samuel 14:33

Ata yi máma Jowap mi i gef amulâ, mi dum zla ndata. Amulâ mi yï Apsalom. Apsalom mi mba gevemu; amulâ mi bed’em kok.

Wana ni Zla d’a Djivi d’a Luc mi b’irita 15:19

An ndak nga d’ala ang yan gorongâ d’a d’i, ang van ni d’igi azong mangâ na.

Wana ni Zla d’a Djivi d’a Luc mi b’irita 15:21

Goroma mi dum ala: Abunu, an le tchod’a avok Alona, avogong ang mi, an ndak nga d’ala ang yan gorongâ d’a d’i.