Wana ni Zla d’a Djivi d’a Luc mi b’irita 13:16 - Bible azumeina

¹⁶ Wani atcha d’a wanda ni Abraham gorom mba Seitan mi djinit bizad’a dogo yam klavandid’a, ndak á bud’ut tei kur bur ma sabatna d’uo zu?

Wana ni Zla d’a Djivi d’a Luc mi b’irita 13:16 Referans Kwoze

Marik 2:27

Jesus mi dazi kua ala: A le bur ma sabatna ni kayam sana, wani a le nga sana ni yam bur ma sabatna d’i.

2 Timote 2:26

Azi mba mba kur we d’a irata á buzuk kei kur dauna hi Diable ma vazina, á le minda hAlonid’a mi.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Wana ni Zla d’a Djivi d’a Luc mi b’irita 19:9

Jesus mi dum ala: Suta mba wa ini kur azì ma wana, kayam mam mi Abraham gorom ngolona mi.

Wana ni Zla d’a Djivi d’a Luc mi b’irita 3:8

Agi lagi sun nda memeta á tak kei ala agi mbud’ugi wa hurugiya d’a. Ar agi dagi kurugi ala: Abraham nabumi ngolo na d’i, kayam an nga ni dagi woi mbak ala Alona mi ndak á mbut ahuniyô suma wana grona mi Abraham.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Wana ni Zla d’a Djivi d’a Luc mi b’irita 16:24

Mi nde mi tchiya, mi dala: Abun Abraham, ang wan hohowonu, ang sunï Lazar, kayam mi nik yam tchitchid’am aduk mbina, mi b’lengên ki sinanu, kayam an nga ni fe ndaka aduk akud’a heî.

Sawal la giled’a 107:14

Mi buzuguzi woi kur dangeina, mi tchal kindjing mazina woi mi.