Wana ni Zla d’a Djivi d’a Luc mi b’irita 13:12 - Bible azumeina

¹² Kid’a Jesus mi wata, mi yad’u, mi dat ala: Atchad’a, an pad’ak wa woi kur tugud’ei maka.

Wana ni Zla d’a Djivi d’a Luc mi b’irita 13:12 Referans Kwoze

Sawal la giled’a 107:20

Mi sunuzi zla mamba, mi sud’uzi woyo, mi prud’uzi woi avun matna.

Matiye 8:16

Kid’a afata mbut fladeged’a, a mbam suma ki muzuk ma tchona kuruzina ablaud’a. Mi dik muzuk ma teteng ma tchona woi ki zla mam mba ded’a, mi sut suma tugud’eid’a pet mi.

Wana ni Zla d’a Djivi d’a Luc mi b’irita 13:16

Wani atcha d’a wanda ni Abraham gorom mba Seitan mi djinit bizad’a dogo yam klavandid’a, ndak á bud’ut tei kur bur ma sabatna d’uo zu?

Joel 3:10

Agi yogi ad’u kowuyo magina, agi zlagizi mbuguyo suma fuyogeina, agi yogi mbaragum magid’a, agi zlagizi asubiyona. Ar ma amangeîna pî mi dala: An ni ma ad’engâ!

Isai 65:1

Ma didina mi dala: Suma a djobon nga zlan nduo na, an humuziya. Suma a halan nga d’uo na, a fanu. An de mandjaf ma nga mi yan simiyên nduo na ala: An wana! An wana!

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Wana ni Zla d’a Djivi d’a Luc mi b’irita 13:11

Atchad’a nga kua ni d’a nga ki muzuk ma homozed’id’a, mi le bizad’a ki sed’et ni dogo yam klavandi, mi gunut kä dongndjolong, ti ndak á mat akulo d’i.

Wana ni Zla d’a Djivi d’a Luc mi b’irita 13:13

Mi tin abom kad’u. Ata yi máma na wat, ti tchol akulo d’ingêr, nga d’i subur Alona.