Wana ni Zla d’a Djivi d’a Luc mi b’irita 12:32 - Bible azumeina

³² Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Wana ni Zla d’a Djivi d’a Luc mi b’irita 12:32 Referans Kwoze

Hebre-na 12:28

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka,

Vama ndum mbeina 1:6

Mi mbud’i sum mama, mi mbud’i suma ngat buzuna á le sunda mAbum Alonina. Subura kad’enga ni mamba gak didin. Amin!

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Wana ni Zla d’a Djivi d’a Luc mi b’irita 10:21

Ata yi máma, Jesus mi le furîd’a ad’u ad’enga hi Muzuk ma bei tchod’a ba nid’a, mi dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a azi ki suma wed’a, wani ang tagazi woi mi gugureina. Gagazi, Abunu, ang tang lang djivid’a á le hina.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

2 Tasaloni’â 1:11

Kayam ndata, ami nga tchenemi Alo meina kagi teteu, kayam mi ndjunugi kad’eng mamba á tit ndak ata yi d’a mi yagi ki d’a á lum tam djivid’a, á le sun nda djivid’a yam he gagazi magid’a kad’eng mamba mi.

2 Pierre 1:11

Hina wani, Alona mba mi malagi lovota hotot á kalagi kur leu d’a didinda hi Salei ma suta Jesus Christ-sa.

Matiye 14:27

Ata yi máma na wat, Jesus mi dazi ala: Agi vagi tagiya! Ni anu, agi lagi mandar ri.

Jeremi 3:19

An Ma didina ni dala: Ni nana ba, an min tchugugi aduk grona, ni hagi ambas sa djivid’a, ni hagi djo ma djivi ma kal teglesâ aduk suma kur duniyad’ina ge? An djib’er ala agi mba yan ala Abugiya, agi mba walagi woi ki sed’en nduo.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

2 Tasaloni’â 1:5

Wana ni simata yam sariyad’a hAlona d’a d’ingêra ala agi ni suma ndak yam leu mam mba agi nga fagi ndaka kata na.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Jean 18:36

Jesus mi hulong dum ala: Leu manda ni ka hî kur duniyad’a d’i. Ladjï leu manda ni ka hî kur duniyad’a ni, sum mana a mba dur ayîna kanu, a mba d’elen á han abo Juif-fâ. Wani ki tchetchemba, leu manda nga ka hî d’i.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Matiye 20:16

Jesus mi de kua ala: Hina, suma danana a mba mbut suma avo’â, suma avo’â a mba mbut suma danana mi.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 20:29

An wala bugol i manda, suma d’igi ngûna na a mba kal adigagiya, a mba ar adesâ hi tumiyônina d’i.

1 Korente-na 1:21

Suma duniyad’a yam ne mazid’a a we nga Alona d’i. Kayam ndata, Alona kur ne mamba mi nga hurum á sut suma a he gagazid’a yam wal mami d’a tchi d’a lilid’ina.