Wana ni Zla d’a Djivi d’a Luc mi b’irita 12:31 - Bible azumeina

³¹ Wani agi halagi leud’a hAlonid’a avok tua ba, mam mba hagi ahle suma arâ kam kua.

Wana ni Zla d’a Djivi d’a Luc mi b’irita 12:31 Referans Kwoze

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

Sawal la giled’a 34:9

Agi djugumu, agi mba wagi Ma didina djivi mamba tua d’uo zu? Sama hal yam ma ngeid’a atama, mi le furîd’a.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Sawal la giled’a 37:25

An kazongôn dei, ki tchetchemba an mbut wa mamara, wani an we Alona mi ar nga sama d’ingêrâ woi yam tu d’i, andjavam nga mi talal á hal tena d’uo mi.

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Sawal la giled’a 37:19

Ata yima ndaka azi nga mbut zulona d’i, kur bur ma baktarad’a azi nga hoba.

Wana ni Zla d’a Djivi d’a Luc mi b’irita 10:42

Wani vama kal ahlena petna mi nga. Ni vama djivi ma Marie ti manama, ni vama sana ndak á hlum mbei abot tuo na.

Wana ni Zla d’a Djivi d’a Luc mi b’irita 12:30

Kayam ahle ndazina, andjaf suma bei wAlona suma yam andagad’ina pet a nga halaziya. Wani Abugi mi we vama agi minima.