Wana ni Zla d’a Djivi d’a Luc mi b’irita 12:20 - Bible azumeina

²⁰ Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Wana ni Zla d’a Djivi d’a Luc mi b’irita 12:20 Referans Kwoze

Jeremi 17:11

Sama yo ahlena abo suma ki mbut irina, mi hle tamî d’igi alei ma mi bur yam ase ma mam gum nga ni mam mbuo na na. Ndjondjoî mamba mba d’i dap pei abom bei burum dap ba, dabid’a mba mi mbut ni d’igi sama lilid’a na.

Wana ni mbaktumba hi Job-pa 27:8

Tin hurâ hi sama tchonina ni me ata yima Alona mi kam ziyom mi hlum muzugam ge?

1 Timote 6:7

Kayam ei mbei nga kur duniyad’a ki va aboi d’i, ei ndak á i ki va aboi d’uo mi.

Sawal la giled’a 39:6

Gola! Ang ngan burun ni gid’enga d’igi hur abona na, kak man nda yam andagad’id’a ni va avorong ngi. Gagazi, sama lara pî ma nga tchola ad’engina mi ni vama hawa ya’â. Tchol ndjö

Jacques 4:14

Agi wagi nga vama mba ndjivina d’i. Agi ni me ge? Agi suma d’igi amborogei d’a ti ge ndjö bugola ti b’rau woid’a na na, agi ni me ko ge?

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Wana ni Zla d’a Djivi d’a Luc mi b’irita 11:40

Agi suma lilid’a. Alo ma labud’ina, ni ma mi le krovod’ina mi d’uo zu?

Sawal la giled’a 73:19

Gola! Atogo hina zak a b’lak keyo, a dap pei abo mandar ma ngolâ.

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Zla d’a d’ogolâ 11:4

Ndjondjoîd’a nga d’i le va ki sa kur bur ma ayîna d’i, wani d’ingêra nga d’i prut sana woi avun matna.

Sawal la giled’a 78:30

Wani kid’a vama azi minima ndagazi nga d’uo tua a nga te te máma abozi keid’a,

Ester 5:11

Haman nga mi dazi zlad’a yam ndjondjoî mam mba kal papad’a, yam ablaud’a hi gromid’a, yam ahle suma amulâ mi tinim ki ngolina, yam tin nda mi tinim yam amulei mama kazungeî mama peta mi.

Sawal la giled’a 49:10

Mi ndak á kak didin ndi, mi ndak á kak bei matna d’uo mi.

Zla d’a d’ogolâ 10:2

Ndjondjoî d’a a fat ki mbut irid’a zlat nga d’i, wani d’ingêra nga d’i prut sana woi avun matna.

Zla d’a d’ogolâ 13:7

Suma dingâ a nga yi tazi ala azi ni suma ndjondjoîna, wani azi nga ki va d’i. Suma dingâ a nga yi tazi ala azi ni suma houd’a, wani azi ni suma ndjondjoîna!

Zla d’a d’ogolâ 27:1

Ar ang subur tang yam vama lavina d’i, kayam ang we nga vama nga mi mba kur bur ma tunina d’i.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Amos 6:13

Agi nga lagi furîd’a yam ahle suma hawa ya’â, agi nga dagi ala: Ni kad’eng mamid’a ba, ami fami kad’enga yam ndrata kua wan nduo zu?

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.