Wana ni Zla d’a Djivi d’a Luc mi b’irita 11:39 - Bible azumeina

³⁹ Wani Salad’a mi dum ala: Agi Fariziyêna, agi mbuzugi huyok kopma ki tazana, wani hurugi oîd’a ki kula ki murud’umba.

Wana ni Zla d’a Djivi d’a Luc mi b’irita 11:39 Referans Kwoze

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

Wana ni mbaktum mba Paul mi b’irit mi Tit-ta 1:15

Ir suma yed’etna, ahlena pet ni yed’et; wani ir suma tchona ki suma bei he gagazid’a, vama yed’etna nga d’i. Ne mazid’a ki djib’er ra kuruzi krovod’a ni ndjendjed’a.

Sunda hi suma a sunuzinid’a 5:3

Wani Pierre mi dum ala: Ananiyas, ni kayam me ba, Seitan mi kal kurung á ka zlad’a mi Muzuk ma bei tchod’a ba na á ngei beged’a hi yina woi nde ge?

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Zla d’a d’ogolâ 30:12

Suma dingâ a nga djib’er ala azi ni suma yed’etna, wani a mbus nga tazi woi kur ndjendje mazid’a d’i.

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Galat-na 1:14

Kur zlad’a hi Juif-fîd’a, adjeu an kal b’oziyon Juif suma bizazi ki an tuna ablaud’a, kayam tan nga d’i lan zlezleû á ngom zlad’a habuyomi ngolod’a.

Jean 12:6

Mi de hina kayam mi le ni yam suma houd’a d’i, wani kayam mam mi sama kula, bid’im mba gurzud’a nga nabomu, nga mi kul bege d’a azi nga tchugut kura mi.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Wana ni Zla d’a Djivi d’a Luc mi b’irita 7:13

Ata yima Salad’a mi watna, mi wat hohowod’u, mi dat ala: Ndak tchi d’i.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Ezekiyel 22:25

Mazi suma djok vuna a nga ndjak vunazi kur Jerusalem. A nga tchi suma d’igi azlona mi nga mi tchi ata yima nga mi kizak vama mi vuma na, a nga yo ndjondjoîd’a kahle suma guzuzi kal teglesâ, a nga zul arop suma modonod’a kurut mi.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Zla d’a d’ogolâ 26:25

Le nga mi de zla d’a djivid’a ki vunam ko, ang he gagazid’a kam mbi, kayam ahle suma ndjendjed’a kid’iziya a nga kurumu.

Sawal la giled’a 22:13

Man suma djangûna a nga mola geven d’igi amuzlei suma andjofâ na, a nguyun d’igi amburei suma ayî suma Basan-na na.

2 Sunda Hamuleinid’a 25:2

Mi le sun nda djivid’a avok Ma didina, wani nga ni ki hur ma tuna d’i.

2 Timote 3:5

A mba golozi ni d’igi suma he gagazid’a d’igi ei na na, wani azi mba tin vunazi yam ad’eng mamba. Ang mbut azigang mi suma hina na.

Jean 13:2

Avok tena, Diable mi kal wa zlad’a kur Judas Iskariyot Simon goroma á he Jesus abo suma. Kid’a azi nga avun tena tua d’a,

Zla d’a d’ogolâ 26:23

Sama vunam akud’a ma hurum tchod’ina, mi ni d’igi dei ma andaga ma a gulud’um ki sud’o kawei ma hapmina na.

Wana ni Zla d’a Djivi d’a Luc mi b’irita 7:19

Jean mi yi mam suma hata mbà, mi sunuzi gen Salad’a á djobom ala: Angî ma nga mbana, d’oze ami djubumi ni sama ding zu?