Wana ni Zla d’a Djivi d’a Luc mi b’irita 1:7 - Bible azumeina

⁷ Wani azi vut nga gor ri, kayam Elizabet ti ni gendreged’a, azi djak a djeng mamara mi.

Wana ni Zla d’a Djivi d’a Luc mi b’irita 1:7 Referans Kwoze

Hebre-na 11:11

Ni yam he gagazid’a ba, Sara tata fad’enga á ve wirâ ata yima bizat ta vuta kal leina, kayam ndat tin hurut ala ma hlat vunama ni ma d’engzengâ.

1 Samuel 1:2

Elkana mi vik aropma mbà, Anne azi ki Penina; Penina ti nga ki grona, wani Anne ti nga ki gor ri.

Ad’u Tinda 18:11

ti san kurut krovo, kayam Abraham ki ndat djak a mbut mamara, bizat ta vuta kal da’ mi. Sara ti de kurut ala: Ki tchetchemba, an mbut wa mamara, salana mi mbut ni mamara mi, zla mandjuf nga kan ndei zu?

Ad’u Tinda 25:21

Isak mi tchen Ma didina yam amamba, kayam ndat ni gendreged’a. Ma didina mi hum tchen mamba; amamba Rebeka ti ve wirâ.

2 Amuleina 4:14

Elise mi de mi Gehazi ala: Ei lat ni nana ge? Gehazi mi hulong dum ala: Gorot nga d’i! Ndjuvut pî mi djeng mamara mi.

Ad’u Tinda 17:17

Abraham mi ge tam kä ki iram andaga avok Alona, mi djib’er kurum krovo, mi nde sanda ala: Sama bizam kisâ, mi ndak á vut gorâ zu? D’oze Sara bizat dok zlengâ wana, ti ndak á vut tei zu?

Romê-na 4:19

Bizamî go ki kis. Ata yima mi gol tam d’igi sama matna na amamba Sara ndak á vut gor ruo na pî, tam tchuk nga lus yam he gagazi mamba d’i.

1 Amuleina 1:1

Amulâ David mi mbut mamara kikra, bizam kal ngola. Azungeî mama a zlubum baruna kam pî, nga mi d’ugum tam mbi.

Ad’u Tinda 30:1

Ata yima Rachel ti wala ndat ti vut nga gor mi Jakob puo na, ti nde le yungôra ata wiyeta, ti de mi Jakob ala: Ang han grona! Le hina d’uo ni, an mba ni mid’a!

Wana ni Zla d’a Djivi d’a Luc mi b’irita 1:5

Kur atchogoi d’a Herot namul ma ngolâ yam ambas sa Jude-d’id’a, ma ngat buzuna mi nga, simiyêm ala Zakari. Mam nad’u ades ma ngat buzuna hi Abiya-na. Amamba simiyêt ala Elizabet. Ndat nad’u andjafâ hi Aron ma ngol ma ngat buzunina mi.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Wana ni Zla d’a Djivi d’a Luc mi b’irita 1:8

Kur bur máma Zakari nga mi le sun mam mba ngat buzuna avok Alona, kayam ni nguid’a hades mama á led’a