Wana ni Zla d’a Djivi d’a Luc mi b’irita 1:53 - Bible azumeina

⁵³ Mi hop suma meid’a tchazina kahle suma djivina, mi dik suma ndjondjoîna woi kabozi hawa.

Wana ni Zla d’a Djivi d’a Luc mi b’irita 1:53 Referans Kwoze

Wana ni Zla d’a Djivi d’a Luc mi b’irita 6:21

Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

Sawal la giled’a 34:10

Agi suma hi Ma didinina, agi lum mandaramu, kayam suma lum mandarama, va nga mi kid’agazi d’i.

Wana ni Zla d’a Djivi d’a Luc mi b’irita 6:24

Wani ni zla d’a hohoud’a kagi agi suma ndjondjoîna, kayam agi fagi wa djivi magid’a da’.

Matiye 5:6

Suma a nga djib’er á le minda hAlonid’a memetna a le furîd’a, kayam Alona mba mi hoboziya.

1 Korente-na 1:26

B’oziyona, ar agi djib’eregi yam yi d’a Alona mi yagid’a. Mi yi nga suma suma a nga golozi ala ni suma ned’a na ablaud’a d’i, mi yi nga suma ad’enga ki suma a vud’uzi ata andjaf ma kal teglesîna ngol luo mi.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

1 Samuel 2:5

Suma a hopma a nga hal sunda á fe te mazina, wani suma meid’a nga d’i tchazina va ndolozi nga ki sunda d’i, a nga tuk taziya. Atcha d’a gendreged’a nga d’i vut yat kid’iziya, wani d’a vut grona ablaud’id’a, ti ka bei vuta.

1 Korente-na 4:8

Ki tchetchemba, agi hobogiya wa da’, agi mbud’ugi wa suma ndjondjoîna mi, agi nga tagi amula bei amiya! Gagazi, an min ala agi tagi kagagi amula, kayam ami mba tami amula zlapa ki sed’egi mi!

Ezekiyel 34:29

An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Sawal la giled’a 146:7

Nga mi ka ir zlad’a hi suma a nga djobozi vunazina, nga mi he tena mi suma meid’a nga d’i tchazina mi. Ma didina mi tchuk suma dangeina akulo,

Wana ni Zla d’a Djivi d’a Luc mi b’irita 1:54

Mi mba á ndjun azong mama Israel, mi mar nga á tak we hohou mamba woi