Wana ni Zla d’a Djivi d’a Luc mi b’irita 1:26 - Bible azumeina

²⁶ Kur til ma karagayana, Alona mi sunï malaikana Gabriel kur azì ma ngol ma Galile ma a yum ala Nazarat na.

Wana ni Zla d’a Djivi d’a Luc mi b’irita 1:26 Referans Kwoze

Matiye 2:23

Mi i kak kur azì ma a yum ala Nazarat-na, kayam zla d’a suma djok vun Alona a dat ala: A mba yum ala Ma Nazarat-na d’a, ti ndak memet.

Wana ni Zla d’a Djivi d’a Luc mi b’irita 1:19

Wani malaikana mi hulong dum ala: An ni Gabriel ma nga tchola avok Alona á lum sundina. Mi sununï á dang zlad’a, á mbang zla d’a djivi ndata mi.

Jean 7:41

Suma hiuna a dala: Sa máma ni Mesi. Wani suma hiuna a dala: Na ni Mesi mi ndeï ni yam ambas sa Galile-d’a zu?

Wana ni Zla d’a Djivi d’a Luc mi b’irita 2:4

Josef mi tcholï kur azì ma ngol ma Nazarat ma Galile-na, mi i yam andaga d’a Jude-d’a kur azì ma ngol ma a yum ala Betelehem ma ni yima a vut amul ma ngolâ David kuana, kayam Josef tamba nandjafâ hi David-na.

Daniel 8:16

An hum del sana kur alum ma Ulai-na, mi er ad’um akulo ala: Gabriel, ang tagam ad’u vama nde tam mbei iram máma.

Daniel 9:21

Kid’a an nga ni de zlad’a abon keid’a, an we Gabriel ma an wum avok ata yima vana nde tam mbei irana, mi pirï atogo zak, mi mba geven ki fladege d’a suma a he he d’a hawad’id’a.

Wana ni Zla d’a Djivi d’a Luc mi b’irita 2:39

Kid’a Jesus simiyêm a lahlena pet ndak yam gata hi Salad’id’a, a hulong Galile kur azì mazi ma ngol ma Nazarat-na.