Sunda hi suma hi Levi-nid’a 8:35 - Bible azumeina

³⁵ Agi lagi burâ kid’iziya falei kandjege avun zlub’u d’a ngaf tad’a, agi ngomogi vun ma hed’a hi Ma didinina tala agi bogi d’uo d’a. Wana ni vama Ma didina mi han vuna kama.

Sunda hi suma hi Levi-nid’a 8:35 Referans Kwoze

1 Amuleina 2:3

Ang kak sama d’engzengâ avok Ma didina Alo mangâ, ang le min mamba burâ ki burâ, ang tit yam gat mamba ki vun mam ma hed’a, yam zla mam mba mi data ki hat mamba d’igi a nga b’ira kur Gata hi Moise-sa na. Hina wani, ang mba fahlena pet kur sun nda ang mba lata, kur yima ang i kuana mi.

Gat ta a hat á mbàd’id’a 11:1

Moise mi de kua ala: Agi lagi yam Ma didina Alo magina, agi tid’igi kur lovot mamba burâ ki burâ yam zla mamba, yam gat mamba, yam vun mam ma hed’a mi.

Ndumba 9:19

Le d’ugula nga tchola yam zlub’ud’a tatâ ni, Israel-lâ a ge yazi kä ad’u vun ma hed’a hi Ma didinina, a nga i d’i.

Ndumba 3:7

Azi mba le sunda mi Aron yam ablaud’a hi Israel-lîd’a pet avun zlub’u d’a ngaf tad’a. Azi mba ndak vun sun mazid’a kur yima kak ma a tinim iram vama.

Hebre-na 7:28

Kayam gata hi Moise-sa ti tin suma amangeîna suma nglona hi suma ngat buzunina. Wani gun nda Alona mi gun tam bugol gatid’a, ti tin Gorâ ngol ma ngat buzu ma ndak memetna gak didin.

2 Timote 4:1

An nga ni tcheneng avok Alona, avok Jesus Christ ma mba mi ka sariyad’a yam suma arina yam suma matna ata yima mam mba mba á te leu mambina.

1 Timote 6:20

Ang Timote, ang ngom ahle suma a hangzi abongâ. Ang hazigang mi djudjun nda hawa yak ka ndjak nga ki he gagazid’a d’uo d’a ki zla d’a tuguyo d’a azi nga yat ala ni ned’a d’a wani ni zla d’a kad’a.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

1 Timote 5:21

An nga ni tcheneng avok Alona, avok Jesus Christ, avok malaika suma Alona mazina mi, ang ngom ahle ndazina bei gigrita, bei le yam ma ding kal ma dingâ ba.

1 Timote 1:18

Ang gorona Timote, vun ma he ma an hangzina, mi ndjak ki zla d’a suma djok vun Alona a dat adjeu kanga. Ar ang deng tang kat á dur ayî ma djivina.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Ezekiyel 48:11

A mba handaga ndata mi suma ngat buzu suma ad’u andjafâ hi Sado’â, kayam azi le sunda hi Ma didinid’a ata lovod’ot ki d’engzenga, a le nga d’igi suma hi Levi suma a d’es sei ata yima Israel-lâ a d’es seina na d’i.

Ezekiyel 43:25

Ang mba han mbekmberena ki gor amuhlâ ki gamlâna suma bei daka suma aduk d’uwarîna ahle suma ngat buzu suma yam tchod’ina burâ ki burâ gak burâ kid’iziya.

Ndumba 19:12

Mi mbut tam yed’et ki mbiyo máma kur bur ma hindina ki ma kid’iziyana, mba mi mbut yed’et kuru. Wani le mi mbut nga tam yed’et kur bur ma hindina ki ma kid’iziyana d’uo ni, mba mi mbut yed’et ti.

Sunda hi suma hi Levi-nid’a 14:8

Sama mbut tam yed’et máma, mi mbus baru mama woyo, mi wel tumuzum mbei pet, mi mbus tam aduk mbina; mba mi mbut yed’et. Bugola, mi ndak á kal kur kangâ, wani mba mi bur kur zlub’u mamba d’uo gak burâ kid’iziya.

Sunda hi suma hi Levi-nid’a 10:1

Nadap azi ki Abihu, Aron groma, nge nge pî mi hleï va mam ma yo akud’a, mi yo akud’a kua, mi tchuk dubang ma his djivid’ina kua, a mbam avok Ma didina. Naku d’a ding nga Alona mi hazi nga vuna kat tuo d’a.

Sunda hi suma hi Levi-nid’a 8:30

Moise mi hle mbul ma a vom yam sumina ki buzu ma nga yam yima ngal ahle suma ngat buzunina, mi yamam yam Aron ki baru mamba. Bugola, mi yamam yam Aron groma ki baru mazina mi. Ni hina ba, mi tinizi irazi vazi mi Ma didina ki baru mazina mi.

Buzuk ka Abud’a 29:35

Ang le ki Aron azi ki groma d’igi an hang vuna na. Ang mba le ni burâ kid’iziya á tinizi kur sunda.

Sunda hi suma hi Levi-nid’a 8:34

Vama a lum inina, ni vama Ma didina mi han vuna kam á zlup yam tcho magid’ina.

Sunda hi suma hi Levi-nid’a 8:36

Aron azi ki groma a le sunda yam zla d’a Ma didina mi he vuna kat mi Moise-sa pet mi.