Sunda hi suma hi Levi-nid’a 7:23 - Bible azumeina

²³ Ang i de mi Israel-lâ ala: Agi tagi mbul amuhl hloze hi timina d’oze hi b’ënina d’uo mi.

Sunda hi suma hi Levi-nid’a 7:23 Referans Kwoze

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

Romê-na 8:13

Le agi tid’igi ni bugol sa magi ma adjeuna ni, agi mba bogiya. Wani le agi tchagi sunda hi sa magi ma adjeunid’a woi yam ad’enga hi Muzu’â hAloninid’a ni, agi mba kagagi karid’a.

Sunda hi suma a sunuzinid’a 28:27

Kayam sum ndazina huruzi mbut tib’iri’â, a tos humazi woyo, a duk irazi woyo, tala azi we ki iraziya, a hum ki humaziya, a wad’ud’a kuruziya, tala a mbut huruzi an sud’uziya d’a.

1 Samuel 2:29

Ni kayam me ba, agi nga mired’egi vama ngat buzuna ki he d’a hawa d’a an he vuna kat á handji kur gong man nda kud’orid’a ge? Eli, ni kayam me ba, ang he grongâ ngola kalan an nge? Ni kayam me ba, agi nga d’orogi tagi kahle suma djivi suma kal man suma Israel-lâ a nga mbandji á handji he d’a hawad’ina ge?

Gat ta a hat á mbàd’id’a 32:38

Alo magi ma hawa yak ma agi hum ahle suma ngat buzu suma mbulâ zlapa ki süm guguzlu d’a he d’a hawad’ina, mi nga ni lara ge? Ar mi tchol mi ndjunugiya, ar mi ngomogiya.

Sunda hi suma hi Levi-nid’a 17:6

Ma ngat buzu máma mi yam buzuna akulo yam yima ngal ahle suma ngat buzuna hi an Ma didinina avun zlub’u d’a ngaf tad’a, mi ngal mbulâ d’ala mi his afufuîd’a avogon an Ma didina d’a.

Sunda hi suma hi Levi-nid’a 7:22

Ma didina mi de mi Moise kua ala:

Buzuk ka Abud’a 22:30

Agi lagi hina ki d’uwar magi ma nglona ki ma gurei ma mi vut avo’â. Agi aram mi le burâ kid’iziya kasumu; bur ma klavandina agi ngad’andji buzuna.