Sunda hi suma hi Levi-nid’a 5:2 - Bible azumeina

² Le sana mi do hara vama ndjendjed’a bei mi wum ala ni ma ndjendjed’a, le ni vama avona d’oze ma abageina d’oze vama dram kä na ni, mi mbut ni tam ndjendjed’a, zlad’a nga kam mi.

Sunda hi suma hi Levi-nid’a 5:2 Referans Kwoze

Sunda hi suma hi Levi-nid’a 5:17

Le sana mi tchila yam vun ma hed’a hi an Ma didinina tu, mi le tchod’a bei mi wat ad’ut pî, zlad’a nga kamu; tcho mam ndata ti arî kam na.

Gat ta a hat á mbàd’id’a 14:8

Ar agi mud’ugi kozongâ d’i; abom graka ko, wani nga mi gihl hatna d’i. Ar agi mud’ugi ahle ndazina d’i, agi dozi harazi d’uo mi.

Wana ni mbaktumba hi Aze-d’a 2:13

Aze mi dazi kua ala: Le sana mi mbut ndjendjed’a ata yima mi do vama matnina, le mi do ahle suma wana ped’u ni, ahle ndazina a mba mbut ndjendjed’a zu? Suma ngat buzuna a hulong dum ala: Â! A mba mbut ndjendjed’a.

Sunda hi suma hi Levi-nid’a 11:11

Agi golozi nahle suma ndjendjed’a, agi tazi hliwizi d’i, agi golozi mad’azi ni vama ndjendjed’a mi.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Wana ni Zla d’a Djivi d’a Luc mi b’irita 11:44

Ni zla d’a hohoud’a kagiya, kayam agi ni d’igi asu d’a blas kä woi d’a suma a nga tit kat a nga wat tuo d’a na.

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Sawal la giled’a 19:12

Ma didina, ni vun mang ma hed’a ba, nga mi had’an an azong mangâ; sama nga mi tit kama, nga mi fe wurak ka ngola kua.

Sunda hi suma hi Levi-nid’a 7:21

Le sana mi do vama ndjendjed’a, le ni vama tcholï ata sanina d’oze ata d’uwarîna d’oze vama ndjendje ma tcho ma lara pî ba, mi mut hliu vama mi hum vama ngat buzu ma zlap darigïd’a mi an Ma didinina ni, a mba pad’am mbei aduk sum mama.

Sunda hi suma hi Levi-nid’a 5:4

Le sana mi de zla d’a lasa mi gun tam yam zla d’a lara d’a tchod’a d’oze d’a djivid’a bei mi wat ba, le mi wat ad’ut bugolo ni, zlad’a nga kamu.

Sunda hi suma hi Levi-nid’a 4:13

Ma didina mi de kua ala: Le ablaud’a hi Israel-lîd’a ti le tchod’a bei min mata, le ti tchila yam vun man ma hed’a tu, le ti le tcho d’a ndak á led’a d’uo d’a bei wad’ud’a ba ni, zlad’a nga kad’u.

Sunda hi suma hi Levi-nid’a 5:3

Le sana mi do vama ndjendje ma tchol ata sanina bei mi wum ba, le mi wad’ud’a bugolo ni, zlad’a nga kamu.

Sunda hi suma hi Levi-nid’a 11:8

Agi mud’ugi hliwa ahle ndazina d’i, agi dozi mad’azi d’uo mi, agi golozi nahle suma ndjendjed’a.

Ndumba 19:22

Vama lara ma sama ndjendjed’a mi doma mba mi mbut ndjendjed’a; sama mi doma mba mi kak ki ndjendjed’a gak fladege mi.