Sunda hi suma hi Levi-nid’a 4:21 - Bible azumeina

²¹ Ma ngol ma ngat buzuna, mi i kamuhl máma bugol kangâ, mi ngalam d’igi mi ngal ma avo’â na. Wana ni vama ngat buzu ma zlup yam tchod’a hablau sumid’ina.

Sunda hi suma hi Levi-nid’a 4:21 Referans Kwoze

Sunda hi suma hi Levi-nid’a 16:15

Mi ngat mbekmberena á zlup yam tchod’a hablau sumid’a, mi i ki buzuna bugol baru d’a ka ira, mi le ki va máma d’igi mi le ki buzuna hamuhlîna na, mi yam buzuna yam yima we hohoud’a mi na, mi yamam ata abom ma avoroma mi.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Esdras 8:35

Suma a tcholï kur magomba a mbana, a he he d’a hawa d’a ngala mAlona hi Israel-lîna amuzlei suma andjofâ dogo yam mbà, gamlâna dok zlengâ yam karagaya, gro tumiyôna dok kid’iziya yam kid’iziya, mbekmberena dogo yam mbà ngad’a yam Israel-lâ pet á zlup yam tchod’a. Azi pet a hazi he d’a hawa d’a ngala mi Ma didina.

Sunda hi suma hi Levi-nid’a 16:21

Mi tin abom ki zla tam djak yam mbekmbere máma, mi de woi yam tchilad’a hi Israel-lîd’a ki murud’um mazid’a ki tcho mazid’a pet, mi tinizi yam mbekmberena. Bugola, mi hum abo sama a manam yam sun ndatina, mi i ki sed’em mi gum sä woi abagei hur fulâ.

Hebre-na 13:11

Kayam ahle suma ma ngol ma ngat buzuna nga mi mba ki buzuwazi ata yima Alona mi tinit iram vam ma kal teglesâ á pat tchod’a hi suma woina, a ngalazi hliwizi ni woi bugol azina.

Sunda hi suma hi Levi-nid’a 4:13

Ma didina mi de kua ala: Le ablaud’a hi Israel-lîd’a ti le tchod’a bei min mata, le ti tchila yam vun man ma hed’a tu, le ti le tcho d’a ndak á led’a d’uo d’a bei wad’ud’a ba ni, zlad’a nga kad’u.

Sunda hi suma hi Levi-nid’a 4:20

mi le kamuhl máma ni d’igi mi le kamuhl ma a hum á zlup yam tchod’ina na, mi le ki sed’ezi hina dedege. Mi le ki sum ndazina ni hina dedege á zlup yam tcho mazid’a. Hina wani, an Alona mba ni vat hurun ndei yam tcho mazi d’a a lata.

Ndumba 15:24

le agi lagi tchod’a bei wat ad’ud’u, ablau d’a peta ti we nga d’uo ni, agi zla tagi pet agi hagi amuhl ma azongâ vama ngat buzu ma ngal ma his ma afufuîna avogon an Ma didina zlapa ki he d’a hawa d’a afuta ki d’a süm guguzlud’a d’igi a he vuna na. Agi hagi mbekmberena vama ngat buzuna yam tchod’a kua.

Buzuk ka Abud’a 29:14

Wani ang yo hliwa amuhlâ ki bagam ki sud’omu, ang i ngalazi woi bugol kangâ. Wana ni vama ngat buzu ma yam tchod’ina.

Sunda hi suma hi Levi-nid’a 6:11

Ar Aron grom suma andjofâ pet a tad’u; ti arî gat ta didinda yam andjavazi yam he d’a hawa d’a ngal la a hat mi an Ma didinid’a. Kayam ndata, sama lara ma mi dotna mba mi mbut ni vama a tinim iram vam mi an Ma didinina.

Sunda hi suma hi Levi-nid’a 6:23

Wani vama lara ma a mba hum vama ngat buzuna yam tchod’a ma a mba mba ki buzuwam kur zlub’u d’a ngaf tad’a á zlup yam tchod’a ata yima kud’orina, ar sa mi mud’um mbi; a ngalamî woyo.

Sunda hi suma hi Levi-nid’a 8:17

Wani mi ngal amuhlâ ki bagamu, hliwim ki sud’om mbei abu huyok kangâ d’igi Ma didina mi hum vuna na.

Sunda hi suma hi Levi-nid’a 16:27

A mba kamuhlâ ki mbekmberena suma a hazi vama ngat buzuna yam tchod’a suma a mba ki buzuwazi ata yima a tinim iram vam ma kal teglesâ á zlup yam tchod’ina, a ngalazi bagazi ki hliwizi ki sud’ozi woi bugol kangâ.

Ezekiyel 45:22

Kur bur ma avo’â hi vun til mámina, amulâ mi hamuhlâ he d’a hawa d’a ngat buzuna yam tcho mamba, yam tchod’a hi suma kur ambasina pet mi.