Sunda hi suma hi Levi-nid’a 3:5 - Bible azumeina5 Aron groma a ngalazi akulo yam yima ngal ahle suma ngat buzuna zlapa ki vama hum he d’a hawa d’a ngal ma nga yam agu ma akuna. Wana ni he d’a hawa d’a ngal la his sa afufuî d’a avogon an Ma didinid’a. Gade chapit la |
Ata yima agi mbagi kangoyogei suma bei a ngad’azi bayâd’a suma a ge nga yazi kä ad’u vun man ma hed’a d’uo na kur gong man nda kud’orina, agi mbud’ut ndjendjed’a. Ata yima agi nga hagi avungô mana ki mbulâ ki buzuna he d’a hawad’a mi filei magi ma ndjendjed’ina, agi bud’ugi ni vun man ma djin ma an djinim ki sed’egina woyo.
Bugola, suma hi Levi-na a min te ma kazi azina ki tena hi suma ngat buzunina, kayam suma ngat buzuna andjafâ hi Aron-na, a nga le sun nda ngal ahle suma ngat buzu suma ngala ki mbul ahle suma ngat buzuna gak andjege. Ni kayam ndata ba, suma hi Levi-na a min tena kazi azi ki suma ngat buzuna andjafâ hi Aron-na.
Kur bur máma amulâ Salomon mi tin atrang nga avun gonga hi Ma didinina ped’eta irat vad’u, mi he he d’a hawa d’a ngala, mi he he d’a hawa d’a afuta ki he d’a hawa d’a mbulâ á le darigïd’a ki Ma didina ata yi máma, kayam yima ngal ahle suma ngat buzu ma kawei ma hleu ma avok Ma didinina, mi ndak nga yam ahle ndazina pet ti.
Mi yo mbul amuhl máma woi yam yima ngal ahle suma ngat buzuna pet d’igi a yo mbul timi ma a hum vama ngat buzu ma zlap darigïd’a na mi, mi i ngalam mbei akulo yam yima ngal ahle suma ngat buzuna zlapa ki he d’a hawa d’a ngal la dinga avogon an Ma didina. Mi le ki sa máma ni hina dedege á zlup yam tcho d’a mi lata. Hina wani, an Alona mba ni vat hurun ndei yam tcho mam ndata.
Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.
Wani ang mbut yam gor amuhl ma a vud’um avo’â d’oze yam gor timi ma a vud’um avo’â d’oze yam gor b’ë ma a vud’um avo’â d’uo mi. Azi nahle suma djivi suma a tinizi irazi vazina. Ang vozi buzuwazi yam yima ngal ahle suma ngat buzuna, ang ngalazi mbuluzi vama ngal ma his ma afufuîna avoron an Ma didina.