Biblia Todo Logo
Bib sou entènèt

- Piblisite -




Sunda hi suma hi Levi-nid’a 3:3 - Bible azumeina

3 Mi mba mi he hliu ma a tinim iram vam wana he d’a hawa d’a ngal la zlap darigïd’a mi an Ma didina: Mbul ma yam aruwatnina ki mbul ma atama pet,

Gade chapit la Kopi




Sunda hi suma hi Levi-nid’a 3:3
25 Referans Kwoze  

Ang yo mbul ma yam aruwatnina pet, ang ngat aduduka vunat ma lelegem ma go ki b’orozombina ki b’orozomba zla tat djak ki mbul ma katna mi, ang ngalazi yam yima ngal ahle suma ngat buzuna.


Sum ndazina a nga hun ni ki vunazi hawa, wani huruzi woi dei ki sed’enu.


Ang yo mbulâ hi gamlânina kandjawam ki mbul ma yam aruwatnina kaduduka vunat ma lelegem ma go ki b’orozombina, ki b’orozomba zla tat djak ki mbul ma katna kab’al ma ndjufâ mi, kayam ni gamlâ ma ngad’a yam tin nda a tin sana kur sundid’a.


Kayam ei wei ala sa mei ma adjeuna a b’alam wa akulo ata aguna zlapa ki Christ á b’lak ad’enga hi hliwi ma tchona woyo. Hina, ei lei magomba mi tchod’a d’uo d’a.


Hur mei ma tinda ni lop ira d’i, kayam Alona mi vo o mamba kuri ngola ni yam Muzuk mam ma bei tchod’a ba ma mi heizina.


Wani agi lagi furîd’a, kayam iragi d’i we, humagi d’i hum mi.


An mba ni hagi hur ma awilina, an mba ni hagi muzuk ma awilina kurugiya, an mba ni pat hurugi ma ad’enga d’igi ahinad’a na na woyo, an mba ni hagi hurâ hi sanina kurugiya.


Ang b’al sum ndazina huruziya, ang tozozi humazi woyo, ang duguzi irazi woi tala a we ki irazi a hum ki humazi a wat ad’ut a mbut huruzi ba, an sud’uziya d’a d’i.


Gorona, ang han hurungû, ang hle ni balum asen mi.


Azi huruzi mi ni b’ala d’igi mbul ma b’ala na, wani an nga ni le furîd’a yam gat manga.


Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.


Ma ngat buzuna mi ngalazi akulo yam yima ngal ahle suma ngat buzuna. Wana nahle suma te suma a ngalazi suma his suma afufuî suma avogon an Ma didinina. Yima mbulâ pet, a tinim iram vam mi an Ma didina.


A tchuk hliu ma a walam kä woi máma ki yamba ki mbulâ yam agu ma a vum akud’a yam yima ngal ahle suma ngat buzunina.


Ar sa máma mi wal hliuna iram kä woi teteng zlapa ki yamba ki mbulâ mi. Ar ma ngat buzuna mi tchuguzi yam agu ma a vum akud’a yam yima ngal ahle suma ngat buzunina.


Ar mi tin abom yam vama mam tchuma, mi i ngad’am avun zlub’u d’a ngaf tad’a; suma ngat buzuna Aron groma a yam buzuna huyok yima ngal ahle suma ngat buzuna, a nguyum mbei d’uhl.


b’orozomba djak ki mbul ma katna ki ma yam fefed’ema kaduduka vunat ma lelegem ma go ki b’orozombina mi.


Avok ka bei azi ngal mbulâ hi vama tchuma tua d’a pî, azong mazina, mi mba ata sama mi mba ki vama ngat buzunina, mi dum ala: Hanï hliu ma an i ni sorom mi ma ngat buzunina. Mam nga min hliu ma yid’a abong ngi; mi min ni hliu ma arina hol.


D’igi a yo hliu amuhl ma a hum yam vama ngat buzu ma zlap darigïd’ina hina dedege, ma ngat buzu máma mi ngalam yam yima ngal ahle suma ngat buzu ma a ngal he d’a hawa d’a ngala kuana.


Ma ngat buzuna mi ngalazi woi yam yima ngal ahle suma ngat buzuna vama ngat buzuna mi an Ma didina. Wana ni vama ngat buzu ma sana mi hum yam vama mi b’lagama.


Ar mi yoï vama mam hum vama ngat buzu ma ngala mi an Ma didinina ni mam tam kabom avogonu, nala, mbulâ ki didi’â, kayam mi gas didik máma akulo avogonu.


Mi ngal mbulâ ki b’orozomba djak kaduduka vunat ma lelegema akulo yam yima ngal ahle suma ngat buzuna á zlup yam tchod’a d’igi Ma didina mi he vuna mi Moise na.


Mi ngal mbul la vama mi ngad’am á zlup yam tchod’ina akulo yam yima ngal ahle suma ngat buzuna.


Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.


Swiv nou:

Piblisite


Piblisite