Sunda hi suma hi Levi-nid’a 27:2 - Bible azumeina

² Ang i de mi Israel-lâ ala: Le sana mi hle vunam á he sana mi an Ma didina, le bugol mi min á sut tam yam vun ma hle máma ni, mi ndumî gusa hi sa mámid’a, mi hat mi an Ma didina, mi sut tamu.

Sunda hi suma hi Levi-nid’a 27:2 Referans Kwoze

Ndumba 6:2

Ang i de mi Israel-lâ ala: Ma didina mi dala: Le atchad’a d’oze mandjufâ mi hle vunam á tin tam irat vat á le sun nda a yat ala Nazir-ra ni,

1 Samuel 1:28

Kayam ndata, an hum mi Ma didina ki iram fafat; mam arî mama. Azi grif kä avok Ma didina, a kud’uromu.

1 Samuel 1:11

Ti hlum vunat ala: Ma didin ma ad’engêm kal petna, le ang wan hohou manda gagazi, le ang djib’er kan ang maran nga d’uo, le ang han gorâ ni, an mba ni hangzi á le sun manga ki iram fafat. Wani sa mba mi welem yam mbuo mi.

Suma ka sariyad’a 11:39

Kur dabid’a hi til ma mbànid’a, ti hulongî ti mba avo gen abud’u, mi ndak vun vun ma hle ma mam hluma ki sed’ed’u. Ti zlap nga ki mandjuf fi. Kur bur máma a tin zla ndata aduk Israel-lâ á tit kad’u,

Ndumba 30:3

Le sana mi hle vunam yam va mi Ma didina d’oze mi he tam yam vama mam gun tam kama ni, ar mi b’lak zla mamba d’i, ar mi lahlena pet suma a ndavunama.

Ndumba 21:2

Ata yi máma Israel-lâ a hle vunazi mi Ma didina ala: Le ang hami sum ndazina abomiya ni, ami mba b’lagazi aziyazi woi kakazeî.

Sunda hi suma hi Levi-nid’a 27:1

Ma didina mi de mi Moise kua ala:

Gat ta a hat á mbàd’id’a 23:24

Moise mi de kua ala: Le agi kalagi aduk asine ma guguzlu ma nga ni magina d’uo na ni, agi ndak á tagi vud’a guguzlu d’a agi hurugi minita, wani lovota nga kagi á yogizi abogi kur bud’omei magina d’i.

Ma tchi wala 5:3

Le ang hle vunang mAlona ni, ang le lilinga á ndak vun vama ang hle vunang kama d’i. Kayam Alona nga mi we hohowa suma lilid’a d’i. Kayam ndata, ang ndak vun vama ang hle vunang kama.