Sunda hi suma hi Levi-nid’a 25:35 - Bible azumeina

³⁵ Ma didina mi de kua ala: Le wiyengâ mi nde houd’a, va nga abom mbuo ni, le nangeina d’oze le ni ma mba kak ki sed’eng yam ambas manga ndjöna pî, ang ndjunumu, kayam mi fe lovota á kak ki sed’engû.

Sunda hi suma hi Levi-nid’a 25:35 Referans Kwoze

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

1 Jean 3:17

Le sana nga kahle suma kur duniyad’ina abomu, le mi we wiyema nga kur kid’aka ba, mi duk iram mbei kamu ni, ni nana ba, mi dala mam nga mi le od’a yam Alona ge?

Sunda hi suma a sunuzinid’a 11:29

Suma hata a nga huruzi ala nge nge pî mi he vama ndak yam ad’eng mamba, a sun ahle suma ndjunda mi b’oziyod’a suma avo Jude-na mi.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Sawal la giled’a 112:5

Sama nga mi we hohowa suma, nga mi hazi balâ, nga mi le sun mamba ata lovod’ot na, nga mi le ni sun nda djivid’a.

Sawal la giled’a 41:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 37:26

Mam nga mi we hohowa suma teteu, nga mi he balâ mi suma mi; Alona mi b’e vunam yam andjavam mi.

Hebre-na 13:2

Ar agi maragi yam akoi ma led’a d’i. Ata le d’a hina d’a, suma dingâ a ve malaikana atazi bei a wazi ala a ni malaikana ba.

Galat-na 2:10

Wani azi gigid’emi ala ami marami yam suma houd’a d’i. Wana ni vama ngol ma tan nga d’i lan zlezleû kam á led’ina.

2 Korente-na 9:1

Kayam zla he d’a hawa d’a á ndjun suma hAlona suma Jude-nid’a, nga djivid’a an b’irigi mbaktumba kat ti,

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Romê-na 12:20

Wani d’igi mbaktumba hAlonid’a ti de na ala: Le mang ma djangûna meid’a nga d’i tchumu ni, ang hum tena mi te; le vunam mi so ni, ang hum mbina mi tche mi. Hina wani, ni d’igi ang togomî gordjona kam na.

Romê-na 12:18

Le agi ndagagiya ni, agi kagagi ki b’leng nga halasa ki suma pet.

Romê-na 12:13

Ar agi ndjunugi b’oziyogi suma a nga kur kid’akina. Ar agi lagi akoina ki furîd’a.

Jean 12:8

Kayam agi nga ki suma houd’a teteu, wani an nga ki sed’egi teteu d’i.

Marik 14:7

Suma houd’a a nga ki sed’egi teteu. Ata yima lara pet ma agi min á lazi djivid’ina, agi ndak á laziya. Wani an nga ki sed’egi teteu d’i.

Matiye 25:35

Kayam meid’a ti tchanu, agi han tena; vunan mi so, agi han mbiyo ma tched’a; an mba akoid’a, agi van avo hatagi mi.

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Zla d’a d’ogolâ 17:5

Sama nga mi las sama houd’ina, mi ngulî Salam ma luma, sama nga mi san ad’u sama ndaka mba kama, a mba ba bei gad’am mbi.

Sunda hi suma hi Levi-nid’a 25:25

Le wiyengâ mbut houd’a mi gus abo siliu mamba woi nde ni, wiyem ma nga go ki sed’em ma nga ki lovota á mbud’utna, mi hulong mbut vama wiyema mi guzum mbeina.

Sunda hi suma hi Levi-nid’a 19:34

Agi vagi angei ma nga kaka adigagina atagi d’igi gor vuta na, agi lagi kam d’igi agi tagid’a na, kayam agi tagid’a kagagï angoyogeina yam ambas sa Ezipte-d’a mi. An ni Ma didina Alo magina.

Buzuk ka Abud’a 23:9

Agi lagi angeina ndaka d’i, kayam agi tagi pî wagi kaka hangeinid’a, kayam agi tagi kagagï angoyogeina yam ambas sa Ezipte-d’a mi.

Buzuk ka Abud’a 22:21

Agi lagi ir angeina d’i, agi djobom vunam mbuo mi, kayam agi tagi pî ei ni angoyogeina yam ambas sa Ezipte-d’a mi.

Buzuk ka Abud’a 22:25

Le sama hohoud’a aduk sum mana, mi nde beged’a abogiya ni, agi lum d’igi suma he bal suma dingâ a nga le hina d’i, agi djobot mbiyot ti.

Gat ta a hat á mbàd’id’a 23:19

Moise mi de kua ala: Ar agi hagi vama lara ma suma a nga hum á mbinina, d’oze beged’a, d’oze tena, d’oze vama ding mi wiyegina ki mbina d’i.

Nehemi 5:1

Bur tu andjof suma dingâ kamiyôzina a tchol kal yam b’oziyozi suma Juif-fâ.

Buzuk ka Abud’a 22:24

Hurun mba mi zal kagiya, an mba ni hagi woi abo suma; a mba tchagi woi avun ayî ma durâ; amiyôgina a mba ar modonod’a, grogina a mba ar hokuyod’a mi.

Nehemi 5:3

Suma hiuna a dala: Ami dengêmi asinemi ki guguzlu mamid’a kaziyami woi á fawuna yam zla meid’a.

Wana ni mbaktumba hi Job-pa 31:16

An noî nga vama suma kid’aka a minima d’i, an le nga atcha d’a modonod’a irat hou d’i,