Sunda hi suma hi Levi-nid’a 25:25 - Bible azumeina

²⁵ Le wiyengâ mbut houd’a mi gus abo siliu mamba woi nde ni, wiyem ma nga go ki sed’em ma nga ki lovota á mbud’utna, mi hulong mbut vama wiyema mi guzum mbeina.

Sunda hi suma hi Levi-nid’a 25:25 Referans Kwoze

Wana ni mbaktum mba a b’irit yam Rut-ta 2:20

Naomi ti de makunota ala: Ar Ma didina mi b’e vunam yam Bowas! An wala Ma didina mi ar nga djivi mamba kei ei suma arid’ina woi d’uo d’igi mi lat ki suma a bona na. Bowas nandjaf ma tuna ki sed’emiya. Ni ma ndak á tami djomina.

Wana ni mbaktum mba a b’irit yam Rut-ta 3:12

Gagazi, an ndak á vak djona, wani ma go ma kalan an á vak djonina, mi nga.

Wana ni mbaktum mba a b’irit yam Rut-ta 3:9

Mi djobot ala: Ni nge ge? Ti hulong dum ala: Ni an wei manga Rut. An min ala ang geï abong kanu, kayam ang ndak á van djona.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Wana ni mbaktum mba a b’irit yam Rut-ta 3:2

Ndak wala Bowas ma ndak le sunda ki yugunei mamina nandjavamiya. Nga mi i fladege hî á to awu orsâ kur ambid’ak mama.

Sunda hi suma hi Levi-nid’a 25:24

Kur ambas sa agi mba tagi kata pet, agi tinigi gata á mbut andagad’a.

Sunda hi suma hi Levi-nid’a 25:26

Le sa máma mi nga ki sama mbut va máma d’uo, le mam tamba mi hal lovota á mbut yam vama mam guzum mbeina ni,

Wana ni mbaktum mba a b’irit yam Rut-ta 4:3

Mi de mi ma ndak á te djona hi Elimele’â ala: Naomi ti tcholï yam ambas sa Mowap-pa ti mba, nga d’i gus asinena hi wiyeina Elimele’â woyo.

Sunda hi suma hi Levi-nid’a 25:47

Le angeina d’oze ma mba á kaka yam ambas manga ndjöna ni ma ndjondjoîna ba, le wiyengâ mi nde houd’a, mi gus tam mbei abo angei máma d’oze abo ma mi nga kaka yam ambas manga ndjöna d’oze abo andjaf angei máma ni,

Sunda hi suma hi Levi-nid’a 27:22

Le sana mi tin asine mam ma mi guzum akulo ma a humzi nga ni djona d’uo na iram vam á hum mi an Ma didina ni,