Sunda hi suma hi Levi-nid’a 25:14 - Bible azumeina

¹⁴ Le agi guzugi va woi abo tagi d’oze agi guzugi va abo tagiya ni, ar agi lagi ir tagi d’i.

Sunda hi suma hi Levi-nid’a 25:14 Referans Kwoze

Sunda hi suma hi Levi-nid’a 19:13

Ar ang le ndrangâ ndaka d’i, ang kul luo mi, ang d’el wuraka hi sama lang sundina abong gak avin ndi.

Sunda hi suma hi Levi-nid’a 25:17

Ar sa adigagi mi le ir ndrama d’i, ar agi lagi mandara an Alo magina, kayam an ni Ma didina Alo magina.

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Isai 58:6

D’el ta bei te tena d’a an tan lan djivid’a kata ba wana: Agi bud’ugi kindjingâ hasa’atina woyo, agi bud’ugi ziyona hi dju’îna woyo, agi tchugugi suma a nga djobozi vunazina akulo, agi kuzugi djuk ma lara ge woi pet,

1 Korente-na 6:8

Wani ni agi tagid’a ba, nga lagi ahle suma ata yazi d’uo na mi b’oziyogina, agi nga b’ad’azi ahligiyezi mi.

Wana ni Zla d’a Djivi d’a Luc mi b’irita 3:14

Azigarâ a djobom ala: Ami lami ni nana ge? Mi hulong dazi ala: Agi vagi va abo sa kad’enga d’i, agi tchugugi zla yam sa hawa yak ki, agi tinigi hurugi ni yam wurak magid’a go.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Isai 33:15

Sama nga mi tit d’ingêr ma nga mi de zla d’a iratina, ma nga mi noî vama a b’ad’am abo suma kad’enga ma nga mi ve d’a hawa d’a mbut ira d’uo na, ma nga mi duk humam mbei á hum zla d’a tchi matna ki humam mbuo ma nga mi duk iram mbei á we tchod’a ki iram mbuo mi na,

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 1:17

Agi had’agi á le djivid’a, agi halagi d’ingêra, agi hulongôgi ma a nga djobom vunama kur lovot ta djivid’a, agi kagi ir zlad’a hi ma hokuyod’id’a, agi ndjunugi yam atcha d’a modonod’a mi.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Zla d’a d’ogolâ 28:16

Ma te yam ma mi we nga ad’u zlad’a d’uo na nga mi djop vun suma ngola, wani ma nga mi noî bege d’a a fat ki lovod’ot tuo d’a woina, mba mi te leud’a tatâ.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Zla d’a d’ogolâ 28:3

Sama hou ma mi kid’eî ir sama kid’akina, mi ni d’igi alo ma se ki babarâ ma mi b’lak ahlena woi kakazeîna na.

Zla d’a d’ogolâ 22:16

Sama nga mi kid’eî ir sama kid’akina, mi mbud’umî sama ndjondjoîna; sama nga mi hahlena mi ma ndjondjoînina, mi mbut ni tam houd’a.

Zla d’a d’ogolâ 21:13

Sama mi tos humam mbei á hum tchina hi sama houd’ina, fata mam tam mi tchid’a, sa nga mi hulongôm humba d’uo mi.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Sawal la giled’a 10:18

á hum zlad’a hi suma hokuyod’a ki d’a hi suma a nga kid’eyêzi irazinid’a, á kazi sariya d’a d’ingêra. Ar sama yam andagad’a ka hina, mi mbut suma mandarâ d’uo d’a.

2 Sunda Hamuleinid’a 16:10

Asa hurum zal yam ma djok vun máma, mi gum dangeina, kayam hurum mi zal yam zla d’a ma djok vuna mi dumzid’a. Kur biza ndata, Asa mi nde djop vun suma dingâ aduk suma mi.

Suma ka sariyad’a 4:3

Jabin mi nga ki pus ma kawei ma dur ayîna kikis zlengâ, mi djop vun Israel-lâ ngola gak bizad’a dok mbà. Ata yi máma Israel-lâ a nde tchi yam Ma didina ala mi ndjunuziya.

Sunda hi suma hi Levi-nid’a 25:15

Le agi guzugi va abo tagiya ni, agi tinigi ad’u d’a ndumba ei ni kur biza d’a ngol la furîd’a, agi wuragamî kahle suma a mba vut kur biza d’a nga d’i mbad’ina.