Sunda hi suma hi Levi-nid’a 24:11 - Bible azumeina

¹¹ Ma abumî ma Ezipte-nina mi las simiyê Alona, mi ngulum mi. A mbamî mi Moise. Asum a yat ala Selomit ni Dibri ma ad’u andjafâ hi Dan-nina goromba.

Sunda hi suma hi Levi-nid’a 24:11 Referans Kwoze

Isai 8:21

A mba kal kur ambasa ki ndaka ki meid’a. Fata meid’a tchazid’a, huruzi mba mi zala, a mba ngul amul mazina kAlo mazina, a mba mbut irazi akulo.

Wana ni mbaktumba hi Job-pa 2:5

Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Buzuk ka Abud’a 18:26

Azi nga ka sariyad’a hi sumid’a burâ ki burâ, azi nga mba ki zla d’a ad’enga avok Moise, azi tazid’a nga ka sariya d’a gurei d’a lara ge pet mi.

Buzuk ka Abud’a 18:22

Ar azi ka sariyad’a yam suma burâ ki burâ, ar azi mbeï ki zla d’a nglod’a avorongû, ar azi ka sariya d’a gureid’a. Hina wani, a mba hlaneka woi kangû, ar azi zit zlapa ki ang mi.

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Vama ndum mbeina 16:21

Mogoi ma nglona mi tcholï akulo, nga mi yak kä yam suma. Anek mamba ni kilona dok fid’i. Suma a ngul Alona abo mogoi ma tcho mama kayam mi yagï kä ngola heî.

Vama ndum mbeina 16:11

Azi nga ngul Alo ma akulona abo pupuluk mazid’a, abo mbil mazina, wani azi min mbut huruzi yam sun mazi d’a tchod’a d’i.

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

Romê-na 2:24

Kayam mbaktumba hAlonid’a ti dala: Ni kayam agi Juif-fâ ba, andjaf suma dingâ a nga ngul Alona.

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.

Sawal la giled’a 74:22

Alo mana, ang tchol akulo, ang de woi yam zla manga, ang djib’er yam ngul la andjaf suma lilid’a a nga ngulung burâ ki burîd’a.

Sawal la giled’a 74:18

Ma didina, ang djib’era! Ma djangûna nga mi ngulungû, andjaf ma lilid’a nga mi panang simiyêngû.

Wana ni mbaktumba hi Job-pa 1:22

Hina pet pî, Job mi le nga tcho d’i, mi ngul nga Alona d’uo mi.

Wana ni mbaktumba hi Job-pa 1:11

Ang le hlabong dom ahle mama ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 1:5

Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.

2 Amuleina 19:22

Ang ngulî nge? Ang kra’î nge? Ang er ad’ung akulo á lazî nge? Ang hle yang akulo ni yam nge? Ni mi an Alo ma tin tan irat vat yam Israel-lîna.

2 Amuleina 19:10

Kayam ndata, mi ge sun nda dinga ata Ezekiyas amul ma Juda-na, mi dum ala: Ar Alo mang ma ang tin hurung kam heîna mi lobong vunang ala an mba ni hle Jerusalem mbuo d’i.

2 Amuleina 19:6

Isai mi dazi ala: Zla d’a agi i dat mi salaginid’a ba wana: Ma didina mi dala: An hum ngul la suma nglo suma hamul ma Asiri-na a ngulunda, wani ang le mandarâ yam zla d’a azi data d’i.

2 Amuleina 18:37

Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulîna ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.

2 Amuleina 18:35

Aduk alona handjaf sum ndazina pet ma mi sut andaga mamba woi abona nga ba, Ma didina mba mi sut Jerusalem mbei abon ndju?

2 Amuleina 18:30

Nga mi dala: Ma didina mi ndak á ei tini huri kamu. Mba mi sud’i woyo, mba mi ar amul ma Asiri-na mi hlazì mei ma ngolâ d’i.

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

2 Samuel 12:14

Wani kayamba ang le tchod’a ang he lovota mi suma djangûna hi Ma didina á lazam ba, gor ma Batseba ti vud’ungzina mba mi mit teyo.

Buzuk ka Abud’a 22:28

Agi ngulugi an Alo magina d’i, agi ngulugi amul magina d’uo mi.

Sunda hi suma hi Levi-nid’a 24:10

Gor ma Ezipte ma asumî d’a Israel-lina, mi nga aduk Israel-lâ kur kangâ. Huneîd’a tchol adigazi ki ma Israel-lâ.