Sunda hi suma hi Levi-nid’a 23:17 - Bible azumeina

¹⁷ Agi tchologï avo hatagi kavungô ma a lum kafut ta adiged’id’ina ir kilona hindi ma a yum kangufina abogi mbà mbà á gazam akulo. Wana nahle suma avo’â hi an Ma didinina.

Sunda hi suma hi Levi-nid’a 23:17 Referans Kwoze

Sunda hi suma hi Levi-nid’a 23:10

Ang i de mi Israel-lâ ala: Fata agi kalagi kur ambas sa an nga ni hagizid’a, ata yima agi mba dud’ugi awunina, agi kagi yam awu magi ma ne avo’â mi ma ngat buzuna.

Ndumba 28:26

Ma didina mi de kua ala: Kur bur ma Pantekot-na ata yima agi mbagi kawu magi ma navo’îna, agi mba togogi tok ka a tinit irat vata á kud’uron an Ma didina, agi mba lagi sun nda kaud’a kur ri.

Sunda hi suma hi Levi-nid’a 7:13

Mi he he d’a hawa mamba ki fangasu ma a lum kangufina, zlapa ki vama ngat buzu ma le mersi ma zlap darigïd’a.

Buzuk ka Abud’a 34:26

Agi mbagi kahle suma a ne avok kur asinegina kur gonga hi an Ma didina Alo maginid’a, ar agi yagi gor ahuna kambira hasumba d’i.

Buzuk ka Abud’a 34:22

Agi lagi vun til ma Pantekot-na ata yima agi nga vagi yam awu ma avo’â hi vun til ma duta ata vun dabid’a hi bizad’ina.

Buzuk ka Abud’a 23:19

Agi mbagi kahle magi suma a ne avo’â mi an Ma didina Alo magina. Ar agi yagi gor ahuna kambira hasumba d’i.

Vama ndum mbeina 14:4

Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

1 Korente-na 15:20

Wani ki tchetchemba, Alona mi tchol wa Christ akulo aduk suma matna. Mam mi Ma tchol akulo avok aduk suma a bona.

Romê-na 8:23

Ni kayam azi hol li, wani ei suma nga ki Muzu’â hAlonina d’igi he d’a hawa d’a avoka hAlonid’a na na, ei nga zamei tei kuri krovo á djubi pat ta Alona mba mi pad’eï ei groma woi kur hliwid’a.

Matiye 13:33

Jesus mi dazi zla d’a d’ogol la dinga ala: Leu d’a akulod’a ti hle tat ni d’igi anguf fa atchad’a ti yot ti gizeyêt kafut ta a ngat kangota hindid’a na, gak ti tchub’urot akulo pet.

Ndumba 15:17

Ma didina mi de mi Moise kua ala:

Sunda hi suma hi Levi-nid’a 2:12

Agi ndak á hagi ahle suma ne avo’â d’igi he d’a hawad’a na mi an Ma didina, wani agi ngalazi yam yima ngal ahle suma ngat buzuna d’igi he d’a hawa d’a ngal la his sa afufuîd’a na d’i.

Buzuk ka Abud’a 23:16

Agi ngomogi vun til ma yam awu ma ne avok kur asine maginina, kahle suma agi mba zaragizi kur asine maginina mi. Agi ngomogi vun til ma dut awuna kur dabid’a hi bizad’a ata yima agi togogi awu ma kur asinena avo petna.

Buzuk ka Abud’a 22:29

Agi lagi lilinga á han awu magina ki vud’agu magi ma ne avo’â d’i. Agi handï grogi suma a vut avo’â.

Sunda hi suma hi Levi-nid’a 23:18

Agi tinigi yam avungô máma tumiyô suma bizazi tutu suma bei dakina kid’iziya kamuhl ma azongâ tu ki gamlâna mbà mi. Agi hazi he d’a hawa d’a ngala mi an Ma didina, zlapa ki he d’a hawa d’a süm guguzlu d’a he d’a hawa d’a ngal la his sa afufuî d’a avogon an Ma didinid’a.

Nehemi 10:37

á mbami kafut mamid’a ki he d’a hawad’a hi vud’agu maminid’a pet ki süm guguzlu d’a bei ned’a ki mbulâ mi suma ngat buzu suma a nga kur gong nga kud’ora hAlo maminid’a, á hami dima hahle suma ami zumuzina mi suma hi Levi-na mi. Ar suma hi Levi-na a i ve dima ni azi tazid’a kur azì ma nglo ma nga yam andaga d’a ami nga zumumi kuad’a.

Ndumba 18:12

An hang ahle suma avok suma a mba handjina, nala, mbul ma djivi ma kalâ pet, süm guguzlu ma ayî ma kalâ kawuna mi.

Ndumba 18:13

Ahle suma navok kur asine suma a mba handji mi an Ma didinina, a mba arî mangâ. Sama lara ma avo hatang ma yed’etna, mi ndak á taziya.