Sunda hi suma hi Levi-nid’a 22:19 - Bible azumeina

¹⁹ mi he ni va mam mandjuf ma bei daka ba na, aduk amuzleina, d’oze aduk tumiyôna, d’oze aduk b’ogeina, kayambala an ni vum abomu d’a.

Sunda hi suma hi Levi-nid’a 22:19 Referans Kwoze

Sunda hi suma hi Levi-nid’a 1:10

Le he d’a hawa mam mba ngala ni d’uwar ma gureina, nala, gor timina d’oze gor b’ëna ni, ar mi he ni mandjuf ma bei daka ba na.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Pierre 1:19

Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.

Efes-sâ 5:27

Mi le hina kayam Toka ti tchol avorom bei tchod’a ba, bei ndala, bei trobudjoka, bei vama ding ma hina na atat ba, kayam ti ka’î yed’et bei ngula ba.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Jean 19:4

Pilat mi hulong ndabu kua, mi dazi ala: Agi gologiya! An mbagizi woi abu wana, kayam agi wagi ala an fe nga zla kam mbi.

Wana ni Zla d’a Djivi d’a Luc mi b’irita 23:47

Ata yima ma ngol ma azigarâ abom kis ma Romê-na mi wahle suma a lenina, mi gile Alona mi dala: Gagazi, sa máma ni sama d’ingêrâ.

Wana ni Zla d’a Djivi d’a Luc mi b’irita 23:41

Sariya meid’a ni d’ingêr, kayam ei fei ni wuraka yam sun mei d’a led’a, wani sama wana mi le nga tcho d’i.

Wana ni Zla d’a Djivi d’a Luc mi b’irita 23:14

mi dazi ala: Agi mban sama wana d’igi sama b’lak suma na. Agi gologiya, an djobom avorogiya, an fe nga zla yam sa máma kur ahle suma agi tchugumzi kama d’i.

Matiye 27:54

Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Matiye 27:24

Ata yima Pilat wala mam ndak á le va d’uo na, wani yala nga mi i avogovogo, mi gul mbina, mi mbus abom avok ablau suma. Mi dazi ala: Buzuna hi sama d’ingêr mámina nga kan ndi, ni zla magid’a.

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

Sunda hi suma hi Levi-nid’a 4:32

Le mi he ni timina vama ngat buzuna á zlup yam tcho mamba ni, mi he ni d’a atcha d’a bei daka ba d’a.

Buzuk ka Abud’a 12:5

Agi ndak á vagi gor timina d’oze gor b’ë ma bei daka ma bizam tuna.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Sunda hi suma hi Levi-nid’a 21:18

Sama lara ma da’â, le ni ma duka, le ni ma dileîd’a, le ni ma atchinam hengileud’ina, le ni ma ir hliu tam tu mi vut nga ata yam mbuo na ni, mi hut go á le sun nda ngat buzuna d’i.

Gat ta a hat á mbàd’id’a 15:21

Le mi daka nala dileîd’a d’oze duka d’oze ma b’lak tama ni, ar agi ngad’am buzuna mi Ma didina Alo magina d’i.

Sunda hi suma hi Levi-nid’a 1:2

Ang i de mi Israel-lâ ala: Le sa adigagi mi min he he d’a hawad’a mi an Ma didina ni, ar mi he ni d’uwar ma ngolâ d’oze ma gorâ.