Sunda hi suma hi Levi-nid’a 20:13 - Bible azumeina

¹³ Le sana mi bur ki mandjufâ d’igi a bur katchad’ina ni, a le nahle suma ndjendjed’a; a tchazi woyo. Buzuwazi mba mi hulong kaziya.

Sunda hi suma hi Levi-nid’a 20:13 Referans Kwoze

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

Sunda hi suma hi Levi-nid’a 18:22

Ar ang bur ki mandjufâ d’igi sana mi bur katchad’a na d’i, kayam ni sun nda ndjendje d’a kal teglesa.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Gat ta a hat á mbàd’id’a 23:17

Moise mi de kua ala: Ar mandjuf ma Israel-lâ d’oze atcha d’a Israel-la ti kak gaulang ngi.

Ad’u Tinda 19:5

a yï Lot tei a dum ala: Suma a mba adjï fladege avo hatangâ, a nga ni lara ge? Ang buzuguzï woyo; ami burumi ki sed’eziya.

Suma ka sariyad’a 19:22

Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.

Gat ta a hat á mbàd’id’a 23:18

Ar agi mbagi ki he d’a hawad’a hi gaulangîd’a d’oze bege d’a a hat yam adinid’a kur gong nga kud’ora hi Ma didina Alo maginid’a á ndak vun vun ma hle ma lara ma sana mi hluma d’i, kayam azi djak nahle suma ndjendjed’a avok Ma didina Alo magina.