Sunda hi suma hi Levi-nid’a 19:32 - Bible azumeina

³² Ang tchol akulo avok sama mamarâ, ang hum ngola, ang ring mandara an Alo mangâ, kayam an ni Ma didina.

Sunda hi suma hi Levi-nid’a 19:32 Referans Kwoze

1 Timote 5:1

Ar ang ngop sama mamarâ ad’enga kîk ki, wani ang gigid’em d’igi abung na. Ang giget azungeîna d’igi b’oziyongâ na,

Hor ma tchina 5:12

A yo suma nglona, a tchuguzi ziyona kelezi a gabazi akulo, aduk suma momorogeina, ma a hum ngolina tu pî nga d’i.

Zla d’a d’ogolâ 16:31

Abusa navaval la subura, ni kur tit ta d’ingêra ba, sana mi fad’u.

Zla d’a d’ogolâ 20:29

Ad’enga nahle suma tchuka hazungeînina, abusa nahle suma min tad’a hi momorogeinina mi.

Wana ni mbaktumba hi Job-pa 32:6

Elihu Barakel ma Bus-sâ goroma mi dala: An ni gogorâ, agi ni momorogeina. Ni kayam ndata ba, an nga ni zlaga, an nga ni le mandarâ á vagi ad’u zla djib’er manda.

Wana ni mbaktumba hi Job-pa 32:4

Elihu nga mi djubuzi á de zlad’a mi Job, kayam azi ni suma nglona.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

Romê-na 13:7

Ar agi hagi mi nge nge pî va mama. Agi hagi tara mi sama tara, agi hagi dalalana mi sama tar dalalana, agi gagi yagi kä avok sama ndak agi gagi yagi kä avoroma, agi hugi sama ndak á hud’ina mi.

Isai 3:5

Suma a mba djop vun taziya, nge nge pî mba mi djop vun ndrama, gogorâ mba mi nde ma mamarâ huneîd’a, ma ndak va nduo na mba mi nde ma suma a nga hum ngolina huneîd’a mi.

Sunda hi suma hi Levi-nid’a 19:14

Ar ang ngul sama ngela d’i, ar ang ge va kä avok sama duka á dabam asem mbi; ang le mandara an Alo mangâ, kayam an ni Ma didina.

1 Amuleina 2:19

Ndat i gen amulâ Salomon á dum zla d’a djivid’a yam Adoniya. Amulâ mi tchol lei akulo á ngavad’u, mi grif kä avorod’u. Bugola, mi hulong mi kak akulo yam zlam mam mba amula. Azong mama mi tin zlam mba dinga yam bigam mba ndjufa; asum ti kak kua.

Ad’u Tinda 31:35

Rachel ti de mabut ala: Iba, ar hurung zal kan ndi, an ndak á tchol akulo avorong ngi, kayam tan tcho. Mam hala, mi fe nga filei mama d’i.

2 Amuleina 17:36

Wani ar agi lagi ni mandaran an Ma didin ma ni buzugugï woi kur ambas sa Ezipte-d’a ki sib’ik man nda kal teglesa ki bigan nda zid’a woi akulo kan zid’a, ar agi grivigi ni kä navoron an tu, ar agi han ahle suma ngat buzuna mi.

Zla d’a d’ogolâ 23:22

Ang hum abung ma vud’unga, ata yima asung ti djeng mamarina, ang golot is si.

Ad’u Tinda 48:12

Josef mi yozi woi aduk abumu, mi grif kä andaga avoromu.