Sunda hi suma hi Levi-nid’a 19:31 - Bible azumeina

³¹ Ar agi mbud’ugi iragi ata suma a nga djop ki muzuk ma tchonina d’oze suma a nga djop yam ahle suma a mba le avina d’i. Ar agi halazi tala agi mbud’ugi tagi ndjendjed’a ki sed’eziya d’a d’i, kayam an ni Ma didina Alo magina.

Sunda hi suma hi Levi-nid’a 19:31 Referans Kwoze

Isai 8:19

Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Sunda hi suma hi Levi-nid’a 20:27

Le mandjufâ d’oze atchad’a a nga djop ki suma azuleina d’oze a djop yam vama nga mbana ni, agi duruzi kahinad’a, agi tchazi woyo. Buzuwazi mba mi hulong kaziya.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

1 Sunda Hamuleinid’a 10:13

Saul mi mit ni yam tcho mam mba mi lat avok Ma didinid’a, kayam mi ngom nga zlad’a hi Ma didinid’a d’i. Mi mit ni yam djop pa mi i djopa avun suma azuleinid’a mi.

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

1 Samuel 28:3

Kur bur máma Samuel mi mit tei da’. Israel-lâ a tchimu, a tozom avo hatam Rama. Saul mi tchi suma a nga djop ki suma azuleinina ki suma a nga djop fileinina woi kur ambasa.

Isai 47:13

Ndak kau tak ngola á djop suma a nga wahle suma akulo suma a nga we tchitchiud’a suma a nga de woi yam til ma mi deî awilinina. Ar azi tchol akulo á sud’uk kei kur ahle suma a mba ka’â.

Isai 29:4

A mba hulongông yang kä, zla mang nga ded’a mba d’i tcholï ni kä andaga. Sa mba mi humung zla mang nga ded’a tetet tuo abo gugud’upa. Deleng mba d’i ndei kä andaga d’igi sama azulâ na, ang mba kud’uzï zla mang nga ded’a ni kä aduk andaga d’a gugud’upa.

Buzuk ka Abud’a 22:18

Mbeî agi tchagi suma djop fileina woyo.

Galat-na 5:20

tuwal fileina, ve kumana, noî tad’a, yalâ, yungôra, ayîna, tuguyod’a, wala, ka ira,

2 Amuleina 17:17

Azi ngal grozi suma andjofâ ki grozi suma aropma woi kad’ud’a d’igi vama ngat buzu ma ngala na, azi ve kumana, a djop fileina, a he tazi á le sun nda tchod’a avok Ma didina á zalam hurumu.

Sunda hi suma a sunuzinid’a 8:11

Azi humumu, kayam mi kak ngola ki sed’eziya. A nga le atchap yam sun mam mba mbuta.

Sunda hi suma hi Levi-nid’a 19:26

Agi tagi va ki buzuwam mbi, agi tuwalagi fileina d’i, agi djobogi fileina d’uo mi.

2 Amuleina 23:24

Wani Josiyas mi b’lak suma a nga djop ki suma azuleina ki suma a nga de zlad’a yam vama nga mbana ki filei mazi ma a yum ala terafima ki filei ma tetengâ kahle suma ndjendje suma a nga kur ambas sa Juda-d’a ki suma avo Jerusalem-ma woi pet. Ni hina ba, mi ge yam kä ad’u zlad’a hi Gata d’a a b’irit kur mbaktum mba ma ngol ma ngat buzuna Hilkiya mi fat kur gong nga kud’ora hi Ma didinid’id’a.

Sunda hi suma hi Levi-nid’a 19:3

Ar nge nge pî adigagi mi hu abum kasumu, mi ngom bur man ma sabat ma tuk tad’a mi, kayam an ni Ma didina Alo magina.